ޖަޕާންގެ މަޖިލިސް މެންބަރަކު ރާއްޖޭގައި ނިޔާވެއްޖެ

އިސްމާއިލް ރިޒާ

28 ޑިސެމްބަރ 2024 - 14:38

0 comments

ރާއްޖޭގައި ޗުއްޓީ ހޭދަކުރަމުންދަނިކޮށް ނިޔާވި ޖަޕާނުގެ މަޖިލިސް މެންބަރު.

ޖަޕާނުގެ ގާނޫނު ހަދާ މަޖިލިސް ކަމަށްވާ ހައުސް އޮފް ކައުންސިލާސްގެ ލިބެރަލް ޑިމޮކްރަޓިކް ޕާޓީގެ ޓޮޝިޔޫކީ އަޑާޗީ، 70 ރާއްޖޭގައި ސްނޯކްލިންއަށް ގޮސް އުޅެނިކޮށް ނިޔާވެއްޖެ އެވެ.

ފުލުހުން ބުނީ ޅ. އަތޮޅުގައި ހިންގާ ރިސޯޓެއްގައި ޗުއްޓީ ހޭދަ ކުރަމުންދިޔަ ޖަޕާނުގެ 70 އަހަރުގެ ފިރިހެން ފަތުރުވެރިޔަކު ސްނޯކްލިންއަށް ގޮސް އުޅެނިކޮށް މޫދުގައި މަރުވެފައި އޮތް ކަމުގެ ރިޕޯޓު އިއްޔެ 08:33 ހާއިރު ލިބުނު ކަމަށެވެ.

އިތުރު ތަފްސީލް ފުލުހުން އަދި ހާމައެއް ނުކުރެ އެވެ.

ޓޮޝިޔުކި އަޑާޗި އަކީ ޖަޕާންގައި ވެރިކަން ކުރާ ލިބަރަލް ޑިމޮކްރެޓިކް ޕާޓީ (އެލްޑީޕީ) އަށް ނިސްބަތްވާ މެމްބަރެކެވެ.

ޖަޕާނުގެ ނޫހަކުން މިއަދު ރިޕޯޓްކޮށްފައިވާ ގޮތުގައި، އަވަހާރަވެފައިވަނީ ޖަޕާނުގެ ގާނޫނު ހަދާ މަޖިލީހުގެ މެންބަރު ތޮޝިޔުކީ އަޑަޗީ އެވެ. އެ ނޫހުން ރިޕޯޓްކޮށްފައިވާ ގޮތުގައި، އޭނާ އަވަހާރަވެފައިވަނީ މޫދުގައި ހިނގި އެކްސިޑެންޓެއްގަ އެވެ.