އެޗުއާރުސީއެމްގެ ނައިބު ރައީސަކަށް މުއުމިނާ އައްޔަންކޮށްފި

އަހުމަދު ނިހާން

26 ޖެނުއަރީ 2025 - 23:59

0 comments

ހިޔުމަން ރައިޓްސް ކޮމިޝަން އޮފް މޯލްޑިވްސް (އެޗްއާރުސީއެމް)ގެ ނައިބު ރައީސްގެ މަގާމަށް ރައީސް މުހައްމަދު މުއިއްޒު މިއަދު ބޭފުޅަކު އައްޔަނު ކުރައްވައިފި އެވެ.

އެޗްއާރްސީއެމްގެ މެންބަރުކަމަށް މުއުމިނާ އައްޔަންކުރެއްވީ 2020 ވަނަ އަހަރުގެ ސެޕްޓެމްބަރު މަހުގެ އަށް ވަނަ ދުވަހެވެ.

އެޗްއާރުސީއެމްގެ ނައިބު ރައީސްގެ މަގާމަށް މުއުމިނާ އައްޔަންކުރެއްވުމަށް ރައްޔިތުންގެ މަޖިލީހުން ފާސް ކުރީ މީގެ ހަ ދުވަސް ކުރިންނެވެ.

އެޗްއާރުސީއެމްގެ ނައިބު ރައީސްގެ މަގާމަށް މުއުމިނާ އައްޔަން ކުރައްވާފައިވަނީ އެ މަގާމުގައި ހުންނެވި ޑރ. އަހްމަދު އަދުހަމް އަބްދުﷲ އިސްތިއުފާ ދެެއްވުމާ ގުޅިގެންނެވެ.

މުއުމިނާ ވަޙީދަކީ މާސްޓަރސް އޮފް ހިއުމަން ރައިޓްސް އެންޑް ޑިމޮކްރެޓައިޒޭޝަން އޭޝިއާ ޕެސިފިކް ހާސިލުކުރައްވާފައިވާ ބޭފުޅެކެވެ. މި ސަނަދު އޭނާ ހާސިލުކުރައްވާފައިވަނީ އޮސްޓްރޭލިޔާގެ ޔުނިވަރސިޓީ އޮފް ސިޑްނީ އިންނެވެ.

މުއުމިނާ ވަނީ އިކޮނޮމިކް މިނިސްޓްރީގައި ކޮންސަލްޓެންޓެއްގެ މަގާމުވެސް ކުރިން އަދާކުރައްވާފައެވެ.