އިމަޖެންސީގައި ދިޔަ އެމްބިއުލާންސެއް ސައިކަލެއްގައި ޖެހި އެކްސިޑެންޓު

ހަސަން ހަލީމް

07 ފެބުރުއަރީ 2025 - 21:24

0 comments

އައިޖީއެމްއެޗްގެ އެމްބިއުލާންސްތަކެއް: މިރޭ އެކްސިޑެންޓުވީ އެ ހޮސްޕިޓަލުގެ އެމްބިއުލާންސެއް

މާލޭގައި އެމްބިއުލާންސަކާއި ސައިކަލެއް ޖެހި އެކްސިޑެންޓެއް މިރޭ ހިނގައިފި އެވެ.

އެ އެކްސިޑެންޓު ހިނގީ މިރޭ 7:35 ހާއިރު އަމީނީމަގާއި އިއްޒުއްދީން މަގާ ގުޅުނު ކަންމަތީގަ އެވެ.

އެކްސިޑެންޓުވީ އައިޖީއެމްއެޗްގެ އެމްބިއުލާންސަކާއި ސައިކަލެކެވެ.

މި އެކްސިޑެންޓުގައި ސައިކަލު ދުއްވި މީހާގެ ނިތްކުރިމަތި ދުޅަވެ އަނިޔާވެފައިވާ ކަމަށާއި އެމީހާއަށް ފަރުވާ ދިނުމަށް އައިޖީއެމްއެޗް ހޮސްޕިޓަލަށް ގެންގޮސްފައިވާ ކަމަށް ފުލުހުން ބުނެ އެވެ.

އެކްސިޑެންޓުގައި ހިމެނޭ ދެ އުޅަނދު ވެސް ދުއްވާފައިވަނީ އެ ކެޓަރީގެ ލައިސެންސް އޮންނަ ދެ މީހުން ކަމަށް ފުލުހުން މައުލޫމާތުދެ އެވެ.

މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.