ބައެއް ރަށްތަކުގައި ބައި އިލެކްޝަންގެ ވޯޓުލުން ފަށައިފި

ހަސަން ހަލީމް

08 ފެބުރުއަރީ 2025 - 12:18

0 comments

މި އަހަރަށް ތާވަލުކޮށްފައިވާ ކައުންސިލްތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ ފުރަތަމަ ބައި-އިލެކްޝަންގެ ވޯޓުލުން މިއަދު ފަށައިފި އެވެ.

މި ބައި އިލެކްޝަންތަކުގެ ވޯޓުލުން ފަށަން އޮތީ މިއަދު ހެނދުނު 8:00 ގައި ނަމަވެސް އެ ގަޑިއަށް ވޯޓުލާން މީހުން ނުދިއުމުގެ ސަބަބުން ބައެއް ފޮށިތަކުގައި އެ ގަޑިއަށް ވޯޓުލުން ފެށިފައިނުވެ އެވެ.

މިއަދު ކުރިއަށް ދަނީ ދެ ރަށެއްގެ ކައުންސިލްގެ ބައި-އިލެކްޝަނާއި 10 ރަށެއްގެ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ބައި-އިލެކްޝަނެވެ.

މިއަދު ކުރިއަށްދާ ބައި-އިލެކްޝަންތައް

ހދ. މަކުނުދޫ ކައުންސިލް މެންބަރު
ނ. ލަންދޫ ކައުންސިލް އަންހެނުންނަށް ހާއްސަ ގޮނޑި
ހދ. ހިރިމަރަދޫ އަންހެނުންގެ ތަރައްގީއަށް މަސައްކަތް ކުރާ ކޮމިޓީ
ނ. މިލަދޫ އަންހެނުންގެ ތަރައްގީއަށް މަސައްކަތް ކުރާ ކޮމިޓީ
ނ. ފޮއްދޫ އަންހެނުންގެ ތަރައްގީއަށް މަސައްކަތް ކުރާ ކޮމިޓީ
ރ. އިންނަމާދޫ އަންހެނުންގެ ތަރައްގީއަށް މަސައްކަތް ކުރާ ކޮމިޓީ
ބ. ގޮއިދޫ އަންހެނުންގެ ތަރައްގީއަށް މަސައްކަތް ކުރާ ކޮމިޓީ
އދ. ހަންޏާމީދޫ އަންހެނުންގެ ތަރައްގީއަށް މަސައްކަތް ކުރާ ކޮމިޓީ
ދ. ހުޅުދެލި އަންހެނުންގެ ތަރައްގީއަށް މަސައްކަތް ކުރާ ކޮމިޓީ
ލ. ގަން އަންހެނުންގެ ތަރައްގީއަށް މަސައްކަތް ކުރާ ކޮމިޓީ
ތ. ބުރުނި އަންހެނުންގެ ތަރައްގީއަށް މަސައްކަތް ކުރާ ކޮމިޓީ
ގއ. ކަނޑުހުޅުދޫ އަންހެނުންގެ ތަރައްގީއަށް މަސައްކަތް ކުރާ ކޮމިޓީ

މި ބައި-އިލެކްޝަންތަކުގައި މާލޭގައި ވޯޓު ފޮށިތައް ބަހައްޓާފައިވަނީ މާފަންނު މަދަރުސާގަ އެވެ.

މި ބައި-އިލެކްޝަންތަކުގެ ވޯޓުލުން މިއަދު ހަވީރު 4:00 އަށް ކުރިއަށް ގެންދާއިރު، މި އިންތިހާބުތަކުގެ ރަސްމީ ނަތީޖާ މާދަމާ އިއުލާނުކުރުމަށް ވަނީ ހަމަޖެހިފަ އެވެ.