އޭސީސީގެ ނައިބަކަށް ނާޝިދު އައްޔަންކުރައްވައިފި

މަރިޔަމް އަނާ

18 ފެބުރުއަރީ 2025 - 18:17

0 comments

ރައީސް ޑރ. މުޙައްމަދު މުއިއްޒު، އެންޓި ކޮރަޕްޝަން ކޮމިޝަން (އޭސީސީ)ގެ ނައިބު ރައީސްކަމަށް އަބްދުﷲ ނާޝިދު މިއަދު އައްޔަންކުރައްވައިފި އެވެ.

އޭސީސީގެ ނައިބު ރައީސްކަމަށް އަބްދުﷲ ނާޝިދު، ފަސާނާ، ރ. އަލިފުށި އައްޔަނު ކުރަން ފެންނަ ކަމަށް މަޖިލީހުން އިއްޔެ ފާސްކުރީ ވޯޓުގައި ބައިވެރިވި 69 މެންބަރުންގެ އިއްތިފާގުންނެވެ.

އޭސީސީގެ ނައިބު ރައީސް ކަމަށް އައްޔަނު ކުރަން ފެނޭތޯ ބެލުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު އެންމެ ފުރަތަމަ މިދިޔަ ޖެނުއަރީ 26، ގައި ފޮނުއްވީ އަހުމަދު ނާޝިދު، މއ. ގޯލްޑަންމޫން ގެ ނަމެވެ. ނަމަވެސް އެ ނަން އަނބުރާ ގެންގޮސް، އަބްދުﷲ ނާޝިދުގެ ނަން މަޖިލީހަށް ރައީސް ފޮނުއްވީ ފެބްރުއަރީ 11، ގަ އެވެ.

މިހާރު އޭސީސީގައި ތިއްބަވަނީ ރައީސް އާދަމް ޝާމިލާއި ޝިޔާމާ މުޙައްމަދާއި ޝަޒްނާ ހާޝިމާއި އަބްދުﷲ ނާޝިދުގެ އިތުރަށް އަޙުމަދު ނާޝިދެވެ.