މިދިޔަ އަހަރު ނިމުނުއިރު ގްރީން ފަންޑުގައި 1.6 ބިލިއަން ރުފިޔާ

އަލީ ރާޒީ

22 ފެބުރުއަރީ 2025 - 18:14

0 comments

ގްރީން ފަންޑުގައި މިދިޔަ އަހަރު ނިމުނުއިރު 1.6 ބިލިއަން ރުފިޔާ ހުރި ކަމަށް ފިނޭންސް މިނިސްޓްރީން ހާމަކޮށްފި އެވެ.

ފިނޭންސް މިނިސްޓްރީން އާންމުކުރި ގްރީން ފަންޑު ރިޕޯޓުގައިވާ ގޮތުން 2024 ފެށުނުއިރު ގްރީން ފަންޑުގައި 1.1 ބިލިއަން ރުފިޔާ ހުއްޓެވެ.

ގްރީން ފަންޑަށް މިދިޔަ އަހަރު އެއް ބިލިއަން ރުފިޔާ ޖަމާކުރިއިރު މި މުއްދަތުގައި އެ ފަންޑުން 645 މިލިއަން ރުފިޔާ ހަރަދުކުރި އެވެ.

ފިނޭންސްގެ ހިސާބުތަކަށް ބަލާއިރު 39 މަޝްރޫއަކަށް މިދިޔަ އަހަރު ގްރީން ފަންޑުން ވަނީ ހަރަދުކޮށްފަ އެވެ. އެގޮތުން:

އެއް މަޝްރޫއަކަށް އެންމެ ބޮޑު އެއްޗެއް ހަރަދުކުރީ ފުވައްމުލަކު ގޮނޑުދޮށް ހިމާޔަތްކުރުމުގެ މަޝްރޫއަށް؛ އެއީ 12.5 މިލިއަން ރުފިޔާ
ދެން އެންމެ ބޮޑު ހަރަދެއް ކުރީ 16 ރަށެއްގެ ފެނާއި ނަރުދަމާގެ މަޝްރޫއުތަކަށް؛ އެ މަޝްރޫއުތަކަށް 179.8 މިލިއަން ރުފިޔާ ވަނީ ހަރަދުކޮށްފައި

އެ ފަންޑަށް މިދިޔަ އަހަރު ޖަމާކުރި ޖުމްލަ އަދަދަށް ވުރެ އިތުރަށް ވަނީ 63 މިލިއަން ރުފިޔާ އިތުރަށް ހަރަދުކޮށްފަ އެވެ.

ގްރީން ޓެކުހަކީ ރާއްޖޭގައި ހިންގާ ޓޫރިސްޓު ރިޒޯޓުތަކާއި ހޮޓާތަކާއި ގެސްޓްހައުސްތަކުގެ އިތުރުން ޓޫރިސްޓް އުޅަނދުތަކަށް އަންނަ ފަތުރުވެރިންގެ އަތުން ނެގޭ ޓެކުހެކެވެ.