އުރީދޫއާއެކު މި ރޯދަމަހު ކަރާ ފަޅައިގެން އެޕަލް ޕްރޮޑަކްޓްސްގެ ބޮޑު ބިޔަ ބަންޑަލްއެއް

ހުމާ ނަސީމް

27 ފެބުރުއަރީ 2025 - 11:35

0 comments

ކޮންމެ ރޯދަމަހެކޭ އެއްފަދައިން މި އަހަރުގެ ރޯދަމަހު ވެސް، އުރީދޫގެ ކަސްޓަމަރުންނަށް ގިނަ ހަދިޔާތަކާއި އެކި އޮފާތައް ލިބޭ ޕްރޮމޯޝަންތަކެއް އެ ކުންފުނިން އިއުލާންކޮށްފި އެވެ.

އެ ގޮތުން އުރީދޫ އިން ފާއިތުވި ދެ އަހަރު ގެނެސްދިން ހަދިޔާ ފޮށި ޕްރޮމޯޝަންގެ ބަދަލުގައި މި ފަހަރު ގެނެސްދެނީ "ކަރާ ފެޅުން" ކަމަށް އުރީދޫ އިން ވަނީ ބުނެފަ އެވެ.

އުރީދޫ އިން ބުނީ އެކްޓިވް ކަސްޓަމަރުންނަށް އެޕުން ފެންނަ ކަރާ ފަޅައިގެން ކޮންމެ ދުވަހަކުވެސް ހިތްގައިމު އިނާމުތަކެއް ހޯދުމުގެ ފުރުސަތު އޮންނާނެ ކަމަށެވެ.

އެ ގޮތުން ކޮންމެ ދުވަހަކު ލިބޭ އިނާމުތަކުގެ ތެރޭގައި ހިލޭ ޑޭޓާ އެޑް އޮންސް، އެއާފްރަޔާ، ވެކިއުމް ކްލީނާ، ނިންޓެންޑޯ ސްވިޗް، އެޕަލް ވޮޗް ފަދަ ހަދިޔާތައް ހިމެނެ އެވެ.

މި އަހަރު މި ޕްރޮމޯޝަނުގެ އެންމެ އަގުހުރި އިނާމަކަށް ހުށަހަޅާފައި ވަނީ އެޕަލްގެ 10 ޕްރޮޑަކްޓު ހިމެނޭ ބޮޑު ބަންޑަލްއެކެވެ. އެޕަލް އައިފޯން 16 ޕްރޯ އާއި މެކްބުކް އެއާ އާއި އެއާޕޮޑްސް 4 އާއި އެޕަލް ވޮޗާއި އެޕަލް ޓީވީ އާއި އެޕަލް ހޯމްޕޮޑާއި އެޕަލް އައިޕެޑާއި އެޕަލް ޕެންސިލާއި އެއާޕޮޑްސް މެކްސް އަދި 65 އިންޗީގެ އެޕަލް ޓީވީއެއް އެ ޕްރޮމޯޝަންގައި ހިމެނެ އެވެ. އެއީ ނަސީބުވެރި އެއް ކަސްޓަމަރަކަށް ލިބޭނެ އިނާމެކެވެ.

އުރީދޫ ސުޕަ އެޕް މެދުވެރިކޮށް ކޮންމެ ދުވަހަކު ވެސް ކަރާ ފެޅުމުގެ ފުރުސަތު ލިބޭނެ އެވެ. އެ ފުރުސަތު އެޕުގައި ހުޅުވާލާނީ ރޯދަމަހުގެ ފުރަތަމަ ދުވަހު އެވެ.

މި ޕްރޮމޯޝަނުގެ އިތުރުން ރޯދަމަހަށް އުރީދޫން ވަނީ ކަނޑައެޅިފައިވާ ވަކި ޕެކޭޖުތަކެއް ހިޔާރުކުރުމުން 20 ޖީބީގެ ބޯނަސް ޑޭޓާ ލިބޭ އޮފާ އަކާއި ދަންވަރަށް ހާއްސަކޮށް 10 ޖީބީ ޑޭޓާ ލިބޭ "އާޗާ ދަން ދަން" ޑޭޓާ ޕެކު ވެސް ތައާރަފު ކޮށްފަ އެވެ. މުޅި އާއިލާއަށް ބޭނުން ކުރެވޭނެ "ފެމިލީ ޝެއަރިން ޑޭޓާ"ގެ ނަމުގައި 799ރ. އަށް 150 ޖީބީ ޑޭޓާ ލިބޭ ޕެކޭޖެއް ވެސް ވަނީ ތައާރަފްކޮށްފަ އެވެ. އެ ޕެކޭޖުގެ 100 ޖީބީ ކަސްޓަމަރު ބޭނުން ކޮށް 25 ޖީބީ އެހެން މީހުންނަށް ދެވޭނެ އެވެ. އެ ގޮތަށް ދެވޭނީ ދެ މީހުންނަށެވެ.

"މި ރޯދަމަހުވެސް ގިނަ އިނާމު ތަކާ އޮފާތަކާއެކު ގާތް ނުވަތަ ދުރުގައި ވިޔަސް ގާތް ތިމާގެ މީހުންނާ ރައްޓެހިންނާއި ގުޅުން ބަހައްޓަން ފަރުމާކޮށްފައިވާ ކަސްޓަމަރުންނަށް ތައާރަފްކުރުމަކީ އަޅުގަނޑުމެންނަށް ލިބޭ ވަރަށް ބޮޑު އުފަލެއް،" އުރީދޫ އިން ބުންޏެވެ.

އުރީދޫ އިން ބުނީ އަބަދުވެސް މަސައްކަތް ކުރަމުން ދަނީ މުޖުތަމައަށް މާނަހުރި ގުޅުމާއި ތަޖުރިބާތައް އުފެއްދުމަށް ކަމަށެވެ.