ސްޓެލްކޯގެ ހަރަދުގައި އިންޖިނިއަރިންގެ ދާއިރާ އިން ކިޔަވަން ސްކޮލާޝިޕްތަކެއް

މަރިޔަމް އަނާ

20 މާޗް 2025 - 12:42

0 comments

ސްޓެލްކޯގެ މެރިޓް ބޭސްޑް އިންޖިނިއަރިންގް ސްކޮލަޝިޕް ސްކީމަށް ފުރުސަތު ހުޅުވާލައިފި އެވެ.

ސްޓެލްކޯގެ "މެރިޓް ބޭސްޑް އިންޖިނިއަރިން ސްކޮލާޝިޕް" ގެ ދަށުން އިނގިރޭސި ވިލާތުގައި ބެޗެލާސް ޑިގްރީ އަށް ކިޔެވުމަށް ތިން ފުރުސަތު ދޭ ގޮތަށް ވަނީ ނިންމައިފަ އެވެ. އެއީ:

އިލެކްޓްރިކަލް އެންޑް އިލެކްޓްރޯނިކް އިންޖިނިއަރިންގެ ދާއިރާއިން އެއް ޖާގަ.
މެކޭނިކަލް އިންޖިނިއަރިންގެ ދާއިރާއިން ދެ ޖާގަ.

ސްޓެލްކޯއިން ބުނީ އެ ފުރުސަތުގެ ދަށުން ސްކޮލާޝިޕަށް ހޮވޭ ދަރިވަރުންނަށް ކޯސްފީ އާއި ސްޓައިޕަންޑާއި ވިސާ ފީ އާއި ދެކޮޅު ޓިކެޓާއި ބުކް އެލަވެންސް އަދި އެސްޓަބްލިޝްމަންޓް އެލަވެންސް ލިބޭނެ ކަމަށެވެ.

ސްކޮލާޝިޕްގެ ޝަރުތުތައް

އުމުރުން 24 އަހަރުން ދަށުގެ ދިވެއްސަކަށް ވުން.
ހިސާބާއި ފިޒިކްސް ނުވަތަ ކެމިސްޓްރީ އާއި ކޮމްޕިއުޓާ ސައިންސް ހިމެނޭހެން އޭ ލެވެލްގައި ދެ އޭސްޓާ އަދި އޭ ފާހެއް ހޯދާފައިވުން ނުވަތަ އެއާ އެއްވަރުގެ އައިބީ ސެޓްފިކޭޝަނެއް އޮތް މީހަކަށްވުން

މި ސްކޮލަޝިޕަށް ހޮވޭ ދަރިވަރުންނަށް ޓިއުޝަން ފީ އާއި ސްޓައިޕަންޑާއި ވިސާ ފީ އާއި ދެކޮޅު ޓިކެޓާއި ބުކް އެލަވެންސް އަދި އެސްޓަބްލިޝްމަންޓް އެލަވެންސް ލިބޭނެ އެވެ.

ސްޓެލްކޯ އިން ބުނި ގޮތުގައި ކޯސް ފެށުމުގެ ކުރިން ސްޓެލްކޯގެ އިންޓާންޝިޕް ހަދަން ޖެހެ އެވެ. ކޯސް ނިންމުމަށްފަހު ހިދުމަތް ކުރަން ޖެހޭނީ ސްޓެލްކޯއަށް ކަމަށްވެސް އެ ކުންފުނިން ބުނެފައިވެ އެވެ.