އުރީދޫ ނޭޝަން އިންޓަ ރިސޯޓް އީސްޕޯޓްސް ޓޯނަމަންޓް ނިންމާލައިފި

ހަސަން ހަލީމް

12 މެއި 2025 - 22:43

0 comments

އުރީދޫ ނޭޝަން އިންޓަ ރިސޯޓް އީސްޕޯޓްސް ޓޯނަމަންޓް ކާމިޔާބު ކަމާއެކު ނިންމާލައިފި -- ފޮޓޯ/ އުރީދޫ

އުރީދޫ ނޭޝަން އިންޓަ ރިސޯޓް އީސްޕޯޓްސް ޓޯނަމަންޓް ނިންމާލައިފި އެވެ.

އުރީދޫން ބުނީ، ރާއްޖޭގައި ބޭއްވުނު ފުރަތަމަ އިންޓަ ރިސޯޓު އީސްޕޯޓްސް ޓޯނަމަންޓުގައި ޓީމުތައް ވާދަކޮށްފައިވަނީ މަގުބޫލު ދެ ގޭމެއް ކަމަށްވާ މޮބައިލް ލެޖެންޑްސް: ބޭންގް ބޭންގް (އެމްއެލްބީބީ) އަދި ޕަބްޖީ މޯބައިލްގައި ކަމަށެވެ. މި މުބާރާތަށް ވަނީ ހޫނު ތަރުހީބެއް ރިސޯޓްތަކުން ލިބިފަ އެވެ.

މިމުބާރާތުގައި ރާއްޖޭގެ 10 ރިސޯޓަކުން 16 ޓީމު ވަނީ ބައިވެރިވެފައިވެއެވެ.

އުރީދޫ ނޭޝަންގެ މަގުސަދަކީ ރާއްޖޭގައި މިހާރު އުފެދިފައިވާ އީސްޕޯޓްސް ކޮމިއުނިޓީ ބާރުވެރިކޮށް، ވާދަވެރިކަމާއި އެކުވެރިކަމާއެކު ގޭމް ކުޅެ މި ދާއިރާގައި ކުރިއަށްދެވޭނެ މާހައުލެއް ގާއިމުކޮށްދިނުމެވެ.

އެ މުބާރާތުގައި ވަނަވަނައަށް ދިޔަ ފަރާތްތަކަކީ:

މޮބައިލް ލެޖެންޑްސް: ބޭންގް ބޭންގް (އެމް.އެލް.ބީ.ބީ)

ޗެމްޕިއަން: ޖޯލި ބީންގް 2 – 5000 ރުފިޔާ

ރަނަރަޕް: ވޯލްޑޯފް އެސްޓޯރިއާ މޯލްޑިވްސް – 3000 ރުފިޔާ

3 ވަނަ: ޖޯލި ބީންގް – 2000 ރުފިޔާ

ޕަބްޖީ މޯބައިލް

ޗެމްޕިއަން: ހޮލިޑޭ އިން ކަނޑޫމާ މޯލްޑިވްސް – 5000 ރުފިޔާ

ރަނަރަޕް: ނިޔަމަ ޕްރައިވެޓް އައިލެންޑް މޯލްޑިވްސް – 3000 ރުފިޔާ

3 ވަނަ: ސަމަރ އައިލަންޑް މޯލްޑިވްސް- 2000 ރުފިޔާ

މި މުބާރާތް ބާއްވައިފައިވަނީ މުޅިން އޮންލައިންކޮށެވެ. މި ގޮތަށް ރާވައިފައިވަނީ ރާއްޖޭގެ ކޮންމެ ހިސާބަކުން ބައިވެރިވާން ބޭނުންވިޔަސް މި ފުރުސަތު ހޯދައިދިނުމުގެ މަގުސަދުގައި ކަމަށް އުރީދޫން ބުންޏެވެ.

އުރީދޫ ނޭޝަނުން މަސައްކަތް ކުރަމުންދަނީ ރާއްޖޭގެ އެކި ހިސާބުގައި އުފެދިފައިވާ އިސްޕޯޓްސް ކުޅުންތެރިން އެއް ޕްލެޓްފޯމަކަށް ގެނެސް، ރާއްޖެއާއި ރާއްޖޭން ބޭރުގައި ވާދަކުރުމަށް ގިނަ ފުރުސަތުތަކެއް ހުޅުވައިދިނުމަށެވެ.