އުރީދޫ ނޭޝަން އިންޓަ ރިސޯޓު ޗެމްޕިއަންޝިޕް މާދަމާ ފަށަނީ

އަހުމަދު ނިހާން

08 މެއި 2025 - 15:27

0 comments

އުރީދޫ ނޭޝަންގެ ކުރީގެ މުބާރާތުގެ ތެރެއިން: މި މުބާރާތުގައި ކުޅެނީ އެމްއެލްބީބީ އާއި ޕަބްޖީ

ރިސޯޓު ކޮމިއުނިޓީއަށް ހާއްސަކޮށްގެން އުރީދޫ ނޭޝަން އިންޓަ-ރިސޯޓް އީސްޕޯޓްސް ޗެމްޕިއަންޝިޕް މާދަމާ ފެށުމަށް ތައްޔާރުވެއްޖެ އެވެ.

މާދަމާ އިން ފެށިގެން ދެ ދުވަހުގެ މުއްދަތަށް ކުރިއަށްގެންދާ އެ މުބާރާތަކީ ރިސޯޓް ކޮމިއުނިޓީއަށް ހާއްސަކޮށްގެން ބާއްވާ މިފަދަ ފުރަތަމަ މުބާރާތެވެ.

މުބާރާތުގެ ފޯމެޓާއި ހައިލައިޓްސް:

• އެމްއެލްބީބީ: ނޮކްއައުޓް ބުރުތައް ހިމެނޭ ސިންގަލް އެލިމިނޭޝަން ބްރެކެޓެއް، ހުކުރު ދުވަހުގެ ރޭ ސެމީ ފައިނަލް މެޗާއި ހޮނިހިރު ދުވަހުގެ ރޭ ބޭއްވޭ ތިން ވަނަ ޕްލޭއޮފް އަދި ގްރޭންޑް ފައިނަލް.

• ޕަބްޖީއެމް: ބެޓްލް ރޯޔަލް ފޯމެޓެއް، ގްރޭންޑް ފައިނަލްސް ދެ ދުވަހަށް ބަހާލައިގެން، ހުކުރު ދުވަހު ހަ މެޗެއް އަދި ހޮނިހިރު ދުވަހު އިތުރު ހަ މެޗެއް.

އުރީދޫ ނޭޝަންގެ ޔޫޓިއުބް މެދުވެރިކޮށް މެޗުތައް ލައިވްސްޓްރީމް ކުރުމަށް ވަނީ ހަމަޖެހިފަ އެވެ.

އިންޓަ-ރިސޯޓް ޗެމްޕިއަންޝިޕަކީ ލޯކަލް އީސްޕޯޓްސްގައި މިހާރު ހަރަކާތްތެރިވަމުންދާ ފަރާތްތައް ބާރުވެރިކޮށް ވާދަވެރި މައިދާނެއް އުފެއްދުމަށް ކުރަމުންދާ މަސައްކަތުގެ ތެރެއިން ފާހަގަކޮށްލެވޭ މަސައްކަތެކެވެ.

ޕްރައިޒް ޕޫލް:

ޗެމްޕިއަން – 5000 ރުފިޔާ
ރަނަރަޕް - 3000 ރުފިޔާ
ތިންވަނަ - 2000 ރުފިޔާ

އުރީދޫން ބުނީ އުރީދޫ ނޭޝަންގެ ޔޫޓިއުބް މެދުވެރިކޮށް މެޗުތައް ލައިވްސްޓްރީމް ކުރުމަށް ހަމަޖެހިފައިވާ އިރު، އެ މެޗުތައް ބަލައި، ރިސޯޓުތަކުން ބައިވެރިވާ ޓީމުތަކަށް ސަޕޯޓުކުރުމަށް ހިތްވަރުދޭ ކަމަށެވެ.