ފުރަތަމަ ކުއާޓަރުގައި އުރީދޫއަށް 166.9 މިލިއަންގެ ސާފު ފައިދާ

ހަސަން ހަލީލް

01 މެއި 2025 - 11:35

0 comments

މި އަހަރުގެ ފުރަތަމަ ތިން މަހު، އުރީދޫ މޯލްޑިވްސް އަށް ލިބުނު ޖުމްލަ ފައިދާގެ ތެރެއިން، 30.5 ޕަސެންޓާ އެކު 166.9 މިލިއަންގެ ސާފު ފައިދާއެއް ލިބިފައިވާ ކަމަށް އެ ކުންފުނީގެ މާލީ ހިސާބުތަކުން ދައްކައިފި އެވެ.

އުރީދޫގެ މި އަހަރުގެ ފުރަތަމަ ކުއާޓަރުގެ ރިޕޯޓުން ދައްކާ ގޮތުގައި، އުރޫދީއަށް ވަނީ 547 މިލިއަން ރުފިޔާގެ އާމްދަނީއެއް ލިބިފަ އެވެ.

އޭގެތެރެއިން، ޓެކްސަށް ކެނޑުމަށްފަހު މި އަހަރުގެ ފުރަތަމަ ތިން މަހުގެ ތެރޭގައި އެ ކުންފުންޏަށް 166.9 މިލިއަން ރުފިޔާގެ ސާފު ފައިދާއެއް ލިބިފައިވާ ކަމަށް ހިސާބުތަކުން ދައްކަ އެވެ.

މީގެ އިތުރުން ފިކްސްޑް، ބްރޯޑްބޭންޑް އަދި ވިޔަފާރި ހިދުމަތްތަކުން 134.8 މިލިއަން ރުފިޔާ އަދި އެހެނިހެން ހިދުމަތްތަކުން 516،000 ރުފިޔާ ލިބުނެވެ.

ހިންގުމުގެ ހަރަދަށް ކެނޑުމަށްފަހު ޓެކުހަށް ކެނޑުމުގެ ކުރިން މި އަހަރުގެ ފުރަތަމަ ކުއާޓަރުގައި 198.1 މިލިއަން ރުފިޔާ ވަނީ ފައިދާވެފަ އެވެ.

އުރީދޫއިން މި އަހަރުގެ ފުރަތަމަ ތިން މަހުގެ ތެރޭގައި ވެސް ވަނީ ވިޔަފާރި ފުޅާކޮށް، ކަސްޓަމަރުންގެ އިތުބާރު ދަމަހައްޓައި އިތުރުކުރަން ގިނަ ހިދުމަތްތަކާއި ޕްރޮޑަކްޓުތަކެއް ތައާރަފްކޮށްފަ އެވެ.