މޯލްޑިވިއަންއިން ބ. އަތޮޅަށް ސީޕްލޭންގެ ޝެޑިއުލް ދަތުރުތައް ކުރަނީ

ހަސަން ހަލީމް

02 އޭޕްރީލް 2025 - 13:37

0 comments

މޯލްޑިވިއަންގެ ސީޕްލޭން ބޯޓެއް

ގައުމީ އެއާލައިން، މޯލްޑިވިއަން އިން ބ. އަތޮޅަށް ޝެޑިއުލްކޮށްގެން ސީޕްލޭން ދަތުރުތަކެއް ކުރަން ނިންމައިފި އެވެ.

މޯލްޑިވިއަން އެއާލައިން ހިންގާ އައިލެންޑް އޭވިއޭޝަނުން ބުނީ ކޮންމެ ހަފްތާއެއްގެ ބުރާސްފަތި އަދި ހޮނިހިރު ދުވަހު ސީޕްލޭން ދަތުރުތައް ކުރާނެ ކަމަށެވެ.

މޯލްޑިވިއަން އިން މި ދަތުރުތައް ކުރަނީ ބ. އަތޮޅުގެ ފުޅަދޫ އާއި ގޮއިދޫ އާއި ފެހެންދޫ އަށެވެ.

މޯލްޑިވިއަންގައި ޓުވިން އޮޓާ މަރުކާގެ ޖުމްލަ 11 ބޯޓު އޮންނައިރު މީގެން ކޮންމެ ބޯޓެއްގައި 13 މީހުން އުފުލެ އެވެ.

އީދާ ދިމާކޮށް އެ އެއާލައިން އިން ވަނީ ޑޮމެސްޓިކް ދަތުރުތައް ވެސް އިތުރުކޮށްފަ އެވެ.

ބ. އަތޮޅުން ސީޕްލޭން ދަތުރުތައް ފެށި ތިން ރަށަކީ ގުދުރަތީ ގޮތުން ވަކި އަތޮޅެއްގައި، އެއް ފަޅެއްގައި އޮންނަ ތިން ރަށެވެ. މި ތިން ރަށާއި އެ އަތޮޅުގެ އެއާޕޯޓު އޮންނަ ދަރަވަންދުއާ ދެމެދު ދަތުރުގެ ދިގުމިނަކީ ގަޑިއެއްހާއިރު އެވެ.

ލޯކަލް ޓޫރިޒަމް ފުޅާ ދާއިރާއެއްގައި ކުރަމުން އަންނަ އަތޮޅުތަކަށް ސީޕްލޭންގެ ހިދުމަތް ފެށުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ.