ހަނިމާދޫން ބެންގަލޫރަށް މޯލްޑިވިއަންގެ ދަތުރުތައް ފަށަނީ

ހަސަން ހަލީމް

16 މާޗް 2025 - 11:43

1 comments

ދިވެހި ރާއްޖޭގެ ގައުމީ އެއާލައިން މޯލްޑިވިއަން އިން، ހދ. ހަނިމާދޫ އިން ބެންގަލޫރަށް ދަތުރުތައް ފަށަން ނިންމައިފި އެވެ.

މެއި 15 އިން ފެށިގެން އެ ދަތުރުތައް ފަށާއިރު މާދަމާ އިން ފެށިގެން ޓިކެޓް ބުކިން ހެދުމުގެ ފުރުސަތު ހުޅުވައިލާނެ އެވެ.

އައިލެންޑް އޭވިއޭޝަނުން ބުނީ، އެ ދަތުރުތައް ފެށުމުގެ ބޭނުމަކީ، އުތުރުގައި މޯލްޑިވިއަންގެ ދަތުރުތައް އިތުރަށް ފުޅާ ކުރުން ކަމަށެވެ.

މޯލްޑިވިއަނުން ބުނީ، މިކަމާއި ބެހޭ އިތުރު މައުލޫމާތު މޯލްޑިވިއަންގެ ވެބްސައިޓް ނުވަތަ ޓިކެޓިން އޮފީސްތަކާއި ގުޅުމުން ލިބޭނެ ކަމަށެވެ.

އެކުންފުނީގެ މެނޭޖިން ޑިރެކްޓަރު އިބްރާހިމް އިޔާސް ވިދާޅުވީ، މިހާރު ވެސް ހަނިމާދޫން އިންޑިއާގެ ޓްރިވެންޑްރަމަށް ދަތުރުތައް ކުރާއިރު އިރު ބެންގަލޫރަށް ދަތުރުތައް ފެށުމަކީ އެކުންފުނީގެ ހިދުމަތްތައް ފުޅާ ކުރުމަށް އެޅޭ މުހިއްމު ފިޔަވަޅެއް ކަމަށެވެ.