ޚަބަރު
ހިމަންދޫ ފަޅު ތެރޭގައި އޮތް ލޯންޗެއް ރޯވެ އަޑިއަށް ހިނގައްޖެ
ކައެލް ވިންގު ލޯންޗު އަނދައި ހުލިވަނީ
އއ. ހިމަންދޫ ފަޅުގައި އޮތް ލޯންޗެއް އަނދައި އަޑިއަށް ގޮސްފިއެވެ.

ރޯވެފައިވަނީ "ކައެލް ވިންގް" ނަމަކަށް ކިޔާ ލޯންޗެކެވެ. އެއީ އެ އަތޮޅު ފެރިދޫ، މާޅޮސް އަދި ހިމަންދޫ އާއި މާލެ އާ ދެމެދު ދަތުރުކުރާ ފެރީ ލޯންޗެކެވެ. 

އެ ހާދިސާ ހިނގިއިރު ލޯންޗުގައި ކެޕްޓަންއާއި ދެ ކުރޫއިންގެ އިތުރުން ކުޑަކުއްޖަކު ހުރި ކަމަށް ފުލުހުން ބުންޏެވެ. މި ހާދިސާގައި ކުރޫއިންނަށް ކޮންމެވެސް ވަރެއްގެ އަނިޔާތަކެއް ލިބުނު ނަމަވެސް މާ ބޮޑު އަނިޔާއެއް ނުލިބޭ ކަމަށް ފުލުހުން ބުންޏެވެ.

އެ ލޯންޗުގައި ރޯވި އަލިފާން ނިއްވާލެވިފައިވަނީ ފުލުހުންނާއި އެ ރަށުގެ ރައްޔިތުން ކުރި މަސައްކަތުން މިއަދު ހެނދުނު 6:26 ކަންހާއިރުއެވެ.

މި ހާދިސާގައި އެ ލޯންޗު ވަނީ ބޭނުން ނުކުރެވޭ ވަރަށް އަނދައިފައެވެ. އަދި ލޯންޗު ވަނީ އެ ރަށު ބަނދަރުގެ ތެރެއަށް އަޑިއަށް ގޮސްފަ އެވެ. 

އެމްއެންޑީއެފް އަދި ފުލުހުން ރަސްމީކޮށް މި ހާދިސާގެ މައުލޫމާތު އަދި ނުދެ އެވެ.

ކިޔުންތެރިންގެ ޝުއޫރު
0%
0%
0%
0%
0 ކޮމެންޓް
މަގުބޫލު
އެންމެފަސް
އެންމެ ފަސް
އެންމެ މަގުބޫލު