ބަނގުރާ އުފުލި ވޭނަކާއި ޑްރައިވަރު ފުލުހުންގެ ބެލުމުގެ ދަށަށް

އަލީ ރާޒީ

04 އޭޕްރީލް 2025 - 11:48

0 comments

ބަނގުރާކަމަށް ބެލެވޭ ދިޔާ އެއްޗެއް، ފެންފުޅިތަކަކަށް އަޅައި، ފޮށިތަަކަކަށް އަރުވައިގެން ދަނިކޮށް

ބަނގުރާ އުފުލި ވޭނެއް ރޭ ހުޅުމާލެއިން ހުއްޓުވައި އޭގެ ޑްރައިވަރު ހައްޔަރުކޮށްފި އެވެ.

ފުލުހުން ރޭ މީޑިއާތަކާ ހިއްސާކުރި މައުލޫމާތެއްގައި ވަނީ ބަނގުރާކަމަށް ޝައްކުކުރެވޭ އެއްޗެެއް ހުރި ފުޅިތަކެއް، ފޮށިގަނޑުތަކެއް އަރުވައިގެން ވޭންއެއް ހުޅުމާލެ ދަތުރުކުރި ކަމަށެވެ.

އެ މައުލޫމާތު ފުލުހުންނަށް ލިބުމާއެކު ރޭ 21:46 ހާއިރު ހުޅުމާލެ ރީތިގަސް މަގުން ހުއްޓުވައި ބަލައިފާސްކުރިކަމަށް ވަނީ ބުނެފައެވެ.

ބަލައިފާސްކުރުމުގެ ތެރޭ ބަނގުރާކަމަށް ބެލެވޭ އެއްޗެެއް ހުރި 500 އެމްއެލްގެ ގިނަ އަދަދެއްގެ ބޮނަކުއާ ފުޅި ފެނިފައިވާކަމަށް ފުލުހުން ބުންޏެވެ.

މި މައްސަލައިގައި ވޭން ޓޯކޮށްގެން ފުލުހުންގެ ބެލުމުގެ ދަށަށް ގެންގޮސް، އަދި އޭގެ ޑްރައިވަރަކަށް ހުރި ނޭޕާލުގެ ރައްޔިތެއް ކަމުގައިވާ ތިރްތާ ބަހަދޫރު، 37، ވަނީ ހައްޔަރުކޮށްފަ އެވެ.

މި މައްސަލަ ތަހުގީގު ކުރަމުންދާ ކަމަށް ފުލުހުން ބުންޏެވެ.