3 މިނިސްޓްރީއެއްގައި ރޯވެ ލިބުނު ގެއްލުމަށް ޗައިނާއިން 2.8 މިލިއަން ޑޮލަރުގެ އެހީ

އަލީ ރާޒީ

11 ޑިސެމްބަރ 2025 - 12:57

0 comments

މިދިޔަ އަހަރުގެ 12 ޑިސެމްބަރުގައި ހައުސިން މިނިސްޓްރީ އާއި ކޮންސްޓްރަކްޝަން މިނިސްޓްރީ އަދި އެންވަޔަރަމެންޓު މިނިސްޓްރީ ހިންގި އިމާރަތްތަކުގައި ހިނގި އަލިފާނުގެ ހާދިސާގައި މިނިސްޓްރީތަކުގެ މަސައްކަތަށް ބުރޫ އެރުމާ ގުޅިގެން، ޗައިނާ އިން ރާއްޖެއަށް އެހީގެ ސާމާނު މިއަދު ހަދިޔާކޮށްފި އެވެ.

ޑިސެމްބަރު މަހުގެ 12 ވަނަ ދުވަހުގެ ހެނދުނު އަލިފާން ފުރަތަމަ ރޯވީ ގެދޮރުވެރިކަމާއި ބެހޭ ވުޒާރާގައެވެ. އެ ވުޒާރާތައް އެނދުމާ ގުޅިގެން އެ ވުޒާރާތަކުގެ ކަންކަން ކުރިއަށް ދަނީ ދަރުބާރުގޭގައެވެ.

އެ ވުޒާރާތަކުގައި ރޯވެ އެތައް ވުޒާރާއެއްގެ މަސައްކަތަށް ބުރޫއެރުމާ ގުޅިގެން ޗައިނާގެ ފަރާތުން ވަނީ 2.8 މިލިއަަން ޑޮލަރުގެ އެހީއެއް ވެދީފައެވެ.

އެހީގެ ތަކެތި ރަސްމީކޮށް ހަވާލު ކުރުމުގެ ރަސްމިއްޔާތުގައި މިނިސްޓަރު ވިދާޅުވީ މި އެހީތެރިކަމުގެ ސަބަބުން ސަރުކާރުގެ މުހިންމު މަސައްކަތްތައް އަލުން ފެށުމަށް މުހިންމު ދައުރެއް އަދާކުރާނެ ކަމަށެވެ. މި ކުއްލި އެހީގެ ޕެކޭޖްގައި ހާދިސާގައި ގެއްލުނު ތަކެތީގެ ބަދަލުގައި ބޭނުންވާ އޮފީސް ސާމާނާއި ފަރުނީޗަރު ހިމެނެ އެވެ.

މިނިސްޓަރު ވަނީ އެކި ދާއިރާތަކުން ރާއްޖޭގެ ގާބިލުކަން އިތުރުކުރުމަށް ޗައިނާ ސަރުކާރުން ދެމުން އަންނަ އެއްބާރުލުން ފާހަގަކުރައްވައި ޗައިނާއަށް ޝުކުރު އަދާކުރައްވައިފަ އެވެ.