ސްޓެލްކޯގެ ޕްރޮކިއުމަންޓް ހެޑް މަގާމުން ވަކިކޮށްފި

އަލީ އާމިރު

11 ޖެނުއަރީ 2026 - 22:42

0 comments

ސްޓެލްކޯގެ މެނޭޖިން ޑިރެކްޓަރުކަމުން މިއަދު ވަކިކުރި އަހްމަދު ޝަމާހަށް ފަހު، އެ ކުންފުނީގެ ޕްރޮކިއުމަންޓް ޑިޕާޓްމަންޓްގެ ޖެނެރަލް މެނޭޖަރު އަޒްހަދު ރަމީޒު ވެސް އެ މަގާމުން ދުރުކޮށްފި އެވެ.

އެނގިފައިވާ ގޮތުގައި ސްޓެލްކޯގެ ހިންގުން ވަގުތީ ގޮތުން ހަވާލުވި ޑރ. އަލީ އަޒްވަރު ވަނީ އަޒްހަދު މަގާމުން ވަކިކޮށްފަ އެވެ.

އަޒްހަދުގެ ބަދަލުގައި ސްޓެލްކޯގެ ޕްރޮކިއުމަންޓްގެ ހިންގުން ވަގުތީ ގޮތުން ހަވާލުކޮށްފައިވަނީ ބިއުރޯ ހެޑް އަސްފާ ހުސައިންއާ އެވެ.

ޝަމާހް އާއި އަޒްހަދު މަގާމުން ވަކިކުރި ފަހުން ޝަމާހްގެ އޯޑިއޯއެއް ވަނީ ލީކުވެފަ އެވެ. އެ އޯޑިއޯގައި ޝަމާހު ވަނީ ސްޓެލްކޯގައި ހިންގާ ވައްކަންތައް އަޒުހަދަށް އެނގޭ ކަމަށް ވިދާޅުވެފަ އެވެ. އެއީ ސައްހަ އޯޑިއޯއެއްކަން މިހާތަނަށް ކަށަވަރެއް ނުވެ އެވެ.