އައްޑޫ ހޮސްޕިޓަލުގައި އައިނު ފިހާރައެއް ހުޅުވައިފި

އިސްމާއިލް ރިޒާ

07 ފެބުރުއަރީ 2026 - 20:59

0 comments

އައްޑޫގެ އެކުއެޓޯރިއަލް ހޮސްޕިޓަލުގައި ގާއިމްކުރި ސަރުކާރުގެ އައިނު ފިހާރަ ރަސްމީކޮށް މިއަދު ހުޅުވައިފިއެވެ.

ހިތަދޫގައި ހިންގާ ހޮސްޕިޓަލުގައި ބޭއްވި ރަސްމިއްޔާތުގައި އައިނު ފިހާރަ ހުޅުވައިދެއްވީ ހެލްތު މިނިސްޓަރު އަބްދުﷲ ނާޒިމް އިބްރާހިމެވެ.

އެ ހޮސްޕިޓަލުގައި ލޮލުގެ ބަލިތަކަށާއި ނަމްބަރު ނެގުމުގެ ހިދުމަތް ދިނަސް، ފަސޭހައިން އައިނު ލިބޭނެ ގޮތެއް ކުރިން ނޯވެ އެވެ.

ފާހަގަކުރެވޭ ގޮތުގައި މިއީ މާލޭން ބޭރުގައި ގާއިމްކުރި ފުރަތަމަ ކެތު ލެބާއި ސަރުކާރުގެ ފުރަތަމަ އައިނު ފިހާރައެވެ.

އެކަމަށްޓަކައި ބޭއްވި ރަސްމިއްޔާތުގައި ވާހަކަ ދައްކަވަމުން މާލޭގެ ހޮސްޕިޓަލްތަކުގެ ގްރޫޕުގެ ސީއީއޯ އިބްރާހީމް ޢަބްދުއްރައްޒާޤް ޙަލީމް ވިދާޅުވީ، ސަރުކާރުގެ އައިނު ފިހާރައިން މިހާތަނަށް 13،000 އެއްހާ މީހުންނަށް ޚިދުމަތްދީފައިވާ ކަމަށާއި، 12،056 މީހަކަށް އޭގެ ތެރެއިން އައިނު ފޯރުކޮށްދީފައިވާ ކަމަށެވެ.

އާސަންދައިގެ ދަށުން ހިލޭ އައިނު ހެއްދުމުގެ މަގު ތަނަވަސްކޮށްދީ، ސަރުކާރުން ނަންބަރު އައިނު ހެދުމުގެ ޚިދުމަތް "އެމްސީޖީއެޗް އޮޕްޓިކަލްސް"ގެ ނަމުގައި ފެށީ މިދިޔަ ޖުލައި މަހުގެ ފަހުކޮޅެވެ.