ގޭހަށް ނުޖެހޭ، ވަރަށް އަވަހަށް މައްސަލަ ހައްލުވާނެ: އެސްޓީއޯ

އަލީ ރާޒީ

09 ފެބުރުއަރީ 2026 - 23:23

0 comments

ކައްކާ ގޭހުގެ ސަޕްލައި އަށް އައިސްފައިވާ ލޮލުންތަކުގެ އަސަރު މި ވަގުތު ދިމާވެފައި ވިޔަސް ވަރަށް އަވަހަށް މައްސަލަ އެއްކޮށް ހައްލުވެ، ކުރިއެކޭ އެއްގޮތަށް ގޭސް ފޯރުކޮށްދޭން ފަށާނެ ކަމަށް އެސްޓީއޯ އިން މިއަދު ބުނެފި އެވެ.

އެސްޓީއޯއިން ބުނީ ދުނިޔޭގައިވެސް އަދި ސަރަޙައްދީގޮތުންވެސް ބާޒާރުގައި ސަޕްލައިއަށް ލޮޅުންތަކެއް އަރާފައިވާކަމަށެވެ. އޭގެ ސަބަބުން އެސްޓީއޯގެ ސަބްސިޑަރީ ކުންފުނިކަމަށްވާ މޯލްޑިވް ގޭސް މެދުވެރިކޮށް 10 ކިލޯގެ ގޭސް ފުޅީގެ ބަދަލުގައި ޑިސްކައުންޓް ރޭޓުތަކެއްގައި ވިއްކަމުންދަނީ 7 ކިލޯގެ ގޭސްފުޅިކަމަށެވެ.

އެސްޓީއޯގެ އޮފިޝަލަކު ވިދާޅުވީ ގޭހުގެ ސަޕްލައިއަށް އަންނަމުންދާ ބަދަލުތަކާއެކު ރާއްޖެއަށް ގޭސް އެތެރެކުރާ ދެ ކުންފުނި ގުޅިގެން، ވަކިގޮތަކަށް ބާޒާރުގައި ގޭސް ކޮންޓްރޯލްކޮށްގެން ވިއްކުމަކީ އަބަދުވެސްކުރާކަމެއްކަމަށެވެ.

އޮފިޝަލް ވިދާޅުވެފައިވާގޮތުގައި ރާއްޖޭގައި ގޭހެއް ހުހެއް ނުވެއެވެ. އަދި މެނޭޖު ކުރެވޭނެ ޔަގީންކަންވެސް އޮފިޝަލް ވަނީ ދެއްވާފައެވެ.