އަލިފާނުގެ ހާދިސާއާ ގުޅިގެން ވަގުތީ ބޯހިޔާވަހިކަން ދީފި

މައިރާ އަހުމަދު

02 މާޗް 2026 - 11:29

0 comments

މާލޭގައި މިރޭ ހިނގި އަލިފާނުގެ ހާދިސާއާ ގުޅިގެން އާއިލާއަކަށް ވަގުތީ ބޯހިޔާވަހިކަން ފޯރުކޮށްދީފި އެވެ.

އެތަނުން މިއަދު ބުނީ މއ. ސިޓީވިލާގައި ރޯވި ހާދިސާގައި އެގެ އަށް، ދިރިނޫޅެވޭ ވަރުގެ ބޮޑެތި ގެއްލުންތަކެއް ލިބިފައިވާ ކަމަށެވެ. އެހެންވެ އެ ގޭގައި އުޅުނު އާއިލާއަށް ބޭނުންވާ ކެއިން ބުއިމާއި ވަގުތީ ބޯހިޔާވަހިކަމުގެ އެހީތެރިކަން ފޯރުކޮށް ދީފައިވާ ކަމަށް ބުންޏެވެ.

ސިޓީވިލާގައި ރޯވިކަމުގެ މައުލޫމާތު އެމްއެންޑިއެފަށް ރިޕޯޓްކުރީ މެންދަމު 03:06 ހާއިރު އެވެ. އެމްއެންޑީއެފުން ބުނީ އެ މައުލޫމާތު ލިބުމާ އެކު މާލޭ ފަޔާ ސްޓޭޝަނުގެ ފަޔާ ފައިޓަރުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައިވާ ކަމަށެވެ.

އެގޮތުން ގޭގައި ރޯވި އަލިފާން ނިއްވައިލެވުނީ 04:12 އެހާކަށްހާ އިރު އެވެ.

ރޯދަމަސް ފެށުނު ފަހުން، ހުޅުމާލޭގެ ވަން އެވެނިއު އެޕާޓްމަންޓެއްގައި ވެސް ރޯވެ ބޭނުން ނުކުރެވޭ ވަރަށް ވަނީ އަނދައިފަ އެވެ. އަލިފާން ރޯވީ، ވަން އެވެނިއުގެ ހަތް ވަނަ ބުރީގައި ހުންނަ އެޕާޓްމަންޓެއްގެ ބަދިގޭގަ އެވެ.