މޭޔަރު ސައުދު ފުލުހަށް ހާޒިރުކޮށްފި

ހުނައިދާ ޔާސިރު

10 އޯގަސްޓް 2026 - 16:17

0 comments

އާބާދީ އޮޅުވާލައިގެން ގދ. ތިނަދޫ ސިޓީއަކަށް ބަދަލުކުރަން މަސައްކަތް ކުރުމުގެ ތުހުމަތުގައި މޭޔަރު ސައުދު އަލީ މިއަދު ޕޮލިހަށް ހާޒިރުކޮށްފި އެވެ.

އޭނާ ފުލުހަށް ހާޒިރުކޮށްފައިވަނީ، އެ ސިޓީގެ އާބާދީ އޮޅުވާލި ކަމަށް ތުހުމަތުކޮށް އަމިއްލަ ފަރާތަކުން ހުށަހަޅާފައިވާ މައްސަލައަކާ ގުޅިގެންނެވެ.

މޭޔަރު ސައުދު ވިދާޅުވި ގޮތުގައި، ތިނަދޫގައި ހުންނަ ފުލުހުންގެ އިދާރާއަށް އޭނާ ހާޒިރުކޮށްފައިވަނީ މިއަދު ހެނދުނު 10:00 އަށެވެ. ފުލުހުންގެ އިދާރާގައި ދޮޅުގަޑިއިރެއްހާއިރު ހޭދަކުރެއްވިއިރު، ފުލުހުން ސުވާލުކޮށްފައިވަނީ ތިނަދޫގެ އާބާދީ އޮޅުވާލި ކަމަށް ތުހުމަތުކޮށް މީހަކު ހުށަހަޅާފައިވާ މައްސަލައާ ގުޅިގެން ކަމަށް އޭނާ ވިދާޅުވި އެވެ.

ތިނަދޫގެ އާބާދީ އޮޅުވާލި ކަމަށް ތުހުމަތުކޮށް އެ މައްސަލަ ޕޮލިހަށާއި އޭސީސީއަށް ހުށަހެޅީ އާންމުންގެ ބައެކެވެ.

އޭސީސީން ވަނީ މިދިޔަ އަހަރުގެ ތެރޭގައި ތިނަދޫ ސިޓީ ކައުންސިލްގެ އިދާރާއަށް ވަދެ އެތަން ބަލައި ފާސްކޮށް ތަހުގީގުގެ ބޭނުމަށް ބައެއް ލިޔުންތައް ގެންގޮސްފަ އެވެ.