މާރިޔާއަށް ފޮރިން މިނިސްޓްރީގެ އެމްބެސެޑާ އެޓް ލާޖްކަން ދީފި

ޔޫނުސް އިބްރާހިމް

14 ސެޕްޓެމްބަރ 2026 - 10:34

0 comments

ކުރީގެ އެގްރިކަލްޗާ މިނިސްޓަރު ޑރ. މަރިޔަމް މާރިޔާ، ފޮރިން މިނިސްޓްރީގެ އިސްމަގާމަކަށް އައްޔަންކޮށްފި އެވެ.

އެނގިފައިވާ ގޮތުގައި، އެމްބެސެޑާ އެޓް ލާޖްގެ މަގާމަށް މާރިޔާ އައްޔަންކުރެއްވުމާ އެކު، އޭނާ މިހާރު ފޮރިން މިނިސްޓްރީގެ ވަޒީފާއަށް ރަސްމީކޮށް ނިކުންނަވައެވެ.

މިދިޔަ އެޕްރީލް މަހުގެ ތެރޭގައި އެގްރިކަލްޗާ މިނިސްޓަރުގެ މަގާމުން އިސްތިއުފާދެއްވި ޑރ. މާރިޔާ، މި ސަރުކާރުގެ ފުރަތަމަ ކެބިނެޓުގައި ހުންނެވީ ހަޔާ އެޑިއުކޭޝަން މިނިސްޓަރުކަމުގެ މަގާމުގައެވެ. އޭނާ އެގްރިކަލްޗާ މިނިސްޓްރީގެ ވަޒީރުކަމާ ހަވާލުވެވަޑައިގެންނެވީ 2024 ވަނަ އަހަރުގެ ޑިސެމްބަރު މަހުގެ ތެރޭގައެވެ.

މާރިޔާ އެގްރިކަލްޗާ މިނިސްޓަރުކަމުގެ މަގާމުން އިސްތިއުފާ ދެއްވީ، މި އަހަރު ބޭއްވި ކައުންސިލް އިންތިހާބުގެ ނަތީޖާއަށް ފަހު ކެބިނެޓުގެ ގިނަ މިނިސްޓަރުންތަކެއް އިސްތިއުފާ ދެއްވި އިރު، މިދިޔަ 14 އޭޕްރީލްގަ އެވެ.

އޭރު އިސްތިއުފާ ދެއްވި ބައެއް މިނިސްޓަރުން މިހާރު ތިއްބެވީ އެމްބެސެޑަރުންގެ މަގާމުގަ އެވެ. އޭގެ ތެރޭގައި، މިހާރު ގަތަރަށް ކަނޑައަޅާފައި ހުންނަވާ ސަފީރު އާދަމް ޝަރީފާއި ޔޫއޭއީއަށް ކަނޑައަޅާފައި ހުންނަވާ ސަފީރު ތޯރިގު އިބްރާހިމް ހިމެނިވަޑައިގަންނަވަ އެވެ.

އެމްބެސެޑާ އެޓް ލާޖްގެ މަގާމަށް އާއްމުކޮށް ހަމަޖައްސަނީ، ބޭރު ގައުމެއްގެ ސަފީރުކަމަށް އައްޔަންކުރާށެވެ. ނަމަވެސް، މާރިޔާ އައްޔަންކުރާ ގައުމެއް އަދި ސާފެއްނުވެ އެވެ.