ތުރާކުނު ފުޓްބޯޅަ ދަނޑުގެ ރޮސްޓްރަމް އަދި ލައިޓިން ސިސްޓަމް ގާއިމްކުރަނީ

އަބްދުﷲ މައުރޫފް

15 ސެޕްޓެމްބަރ 2026 - 10:23

0 comments

ހއ. ބާރަށު ފުޓުބޯޅަ ދަނޑު ތަރައްގީކުރުމުގެ މަސައްކަތާއި، ހއ. ތުރާކުނު ފުޓްބޯޅަ ދަނޑުގެ ރޮސްޓްރަމް އަދި ލައިޓިން ސިސްޓަމް ގާއިމްކުރުމުގެ އެއްބަސްވުމުގައި މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)އާއެކު ސޮއިކޮށްފި އެވެ.

މި އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ، ޒުވާނުން ބާރުވެރިކުރުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ވަޒީރު އަބްދުﷲ ރާފިއު އެވެ. އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ ޑެޕިއުޓީ މެނޭޖިންގ ޑިރެކްޓަރ މުހަޙްމަދު ޖަމްޝީދު އެވެ. މި ދެ މަސައްކަތް ނިމުމުން ކުޅިވަރު ކުޅުމުގައި ބޮޑު ލުއިފަސޭހަކަމެއް މި ދާއިރާތަކުގެ ރައްޔިތުންނަށް ލިބިގެންދާނެ އެވެ.

މި ދެ މަސައްކަތް ހަވާލު ކުރުމުގެ އެއްބަސްވުމުގައި ސޮއިކުރުމުގެ ރަސްމިއްޔާތުގައި މި ދެ ދާއިރާ ތަމްސީލު ކުރައްވާ މަޖިލިސް މެންބަރުން ބައިވެރިވެވަޑައިގަތެވެ.