ފުރަތަމަ ސަފުހާ
ޚަބަރު
ރިޕޯޓު
ދުނިޔެ
ވިޔަފާރި
ކުޅިވަރު
ދީން
ލައިފްސްޓައިލް
ފޮޓޯ
ކޮލަމް
ވާހަކަ
ޚަބަރު
ރިޕޯޓު
ދުނިޔެ
ވިޔަފާރި
ކުޅިވަރު
ދީން
ލައިފްސްޓައިލް
ފޮޓޯ
ކޮލަމް
ވާހަކަ
ކުޅިވަރު
ފައިސާއަށް ހިޔާނާތްތެރިވެފައި ނުވާނެ: އެފްއޭއެމް
އައިމިނަތު ޝިޔާޒާ
27 އޮކްޓޫބަރ 2023 - 14:11
0
comments
Tweet
Telegram
ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް)ގެ ފައިސާއަށް އެ އިދާރާގެ އެއްވެސް ވެރިޔަކު އަދި މުވައްޒަފަކު ވެެސް ހިޔާނާތްތެރިވެފައި ނުވާނެ ކަމަށްބުނެ، ފުލުހުންގެ ތަހުގީގު އަވަސްކޮށްދިނުމަށް އެ އިދާރާއިން އެދިއްޖެއެވެ.
މިދިޔަ އާދިއްތަ ދުވަހު، އެފްއޭއެމްގެ އޮފީހަށް ވަދެ ފުލުހުން ކުރިއަށްގެންދިޔަ ރެއިޑަށް ފަހު، އެކަމާ ބެހޭގޮތުން ފުރަތަމަ ފަހަރަށް ވާހަކަ ދައްކަން އެފްއޭއެމުން ނެރުނު ބަޔާނުގައި ބުނެފައި ވަނީ، އެ އިދާރާގެ އެއްވެސް ވެރިޔަކު ވެސް މުވައްޒަފަކު ވެސް އަދި އެއްވެސް މެންބަރެއް ފައިސާ އަށް ހިޔާނާތްތެރިވެފައި ނުވާނެ ކަމަށެވެ.
އެފްއޭއެމްގެ ވެރިންގެ މައްޗަށް ކުރެވޭ އެންމެހާ ތުހުމަތުތަކަށް ފުޓްބޯޅައިގެ ހައްގުގައި އެ އިދާރާގެ މެނޭޖްމެންޓުން ކުރިމަތިލާނެ ކަމަށް ވެސް އެފްއޭއެމްގެ ބަޔާނުގައި ވެއެވެ.
"ގާނޫނީ ތަރަހައިގެ ބޭރުން އެއްވެސް އަމަލެއް ވެސް މުއާމަލާތެއް ވެސް އެފްއޭއެމްގެ ފަރާތުން ކޮށްފައިނުވާނެކަން މި އިދާރާގެ މެމްބަރުންނަށާއި އެންމެހައި ލޮބުވެތި ރައްޔިތުންނަށް ސާބިތުކޮށްދިނުމުގައި ފަހަތައް ނުޖެހޭނެ ވާހަކަ ވެސް ދަންނަވަމެވެ." އެފްއޭއެމްގެ ބަޔާނުގައި ވެއެވެ.
އެފްއޭއެމުން ބުނީ މިއަދު އެ އިދާރާއަށް މާލީގޮތުން އިންތިހާއަށް ދަތި ހާލަތަކާ ކުރިމަތިވެފައިވީ ނަމަވެސް، އެފްއޭއެމްގެ މުދަލާއި ފައިސާއަށް އެ އިދާރާއަށް ނިސްބަތްވާ އެއްވެސް ފަރާތަކުން ޚިޔާނާތްތެރިވެފައި ނުވާނެ ކަމަށާއި އެފަދަ އަމަލެއް ހިންގާފައިވާ ކަމަށް ކުރެވޭ އެންމެހާ ތުހުމަތުތަކާ އެ އިދާރާގެ މެނޭޖްމަންޓުން، ފުޓުބޯޅައިގެ ހައްގުގައި ކެރިގެން ކުރިމަތިލާނެ ކަމަށެވެ. އަދި ގާނޫނީ ތަރަހައިގެ ބޭރުން އެއްވެސް އަމަލެއް ވެސް މުއާމަލާތެއް ވެސް އެފްއޭއެމްގެ ފަރާތުން ކޮށްފައިނުވާނެކަން އެ އިދާރާގެ މެންބަރުންނަށާއި ރާއްޖޭގެ ރައްޔިތުންނަށް ސާބިތުކޮށްދިނުމުގައި ފަަހަތަށް ނުޖެހޭނެ ކަމަށް ވެސް ބުންޏެވެ.
"މިވަގުތުގައި އެފްއޭއެމްގެ އެންމެ އިސް މަސްއޫލިއްޔަތެއް ކަމުގައި ދެކެނީ ތަހުގީގީ އިދާރާތަކަށް އެންމެ ފުރިހަމައަށް މިކަމުގައި އެއްބާރުލުން ދިނުމެވެ. ތަހުގީގުގެ މަރުހަލާ އަވަސްކޮށްދިނުމަކީ މި އިދާރާގެ ވަރަށް ބޮޑު އެދުމެކެވެ. އަދި ދިވެހި ފުޓުބޯޅައަށްޓަކައި ފީފާ އާއި އޭއެފްސީގެ ލަފާގެ މަތިން އެ ފަރާތްތަކާއި ދިވެހިރާއްޖޭގެ އިދާރާތަކާ ގުޅިގެން ކުރެވެން ހުރި އެންމެހާ މަސައްކަތްތައް މެދުކެނޑުމެއްނެތި ކުރުމުގައި ދެމިތިބޭނެކަމުގެ ޔަގީންކަން އަރުވަމެވެ،" އެފްއޭއެމުން ބުންޏެވެ.
އެފްއޭއެމުން އިތުރަށް ބުނީ އެ އިދާރާގައި ބޭނުންކުރާ ގިނަ އަދަދެއްގެ ލިޔެކިޔުމާއި މަސައްކަތުގެ މާހައުލުގައި ކޮންމެހެން ބޭނުންކުރަން ޖެހޭ އެތަކެއް އާލާތްތަކެއް ފުލުހުންގެ ތަހުގީގަށް ގެންގޮސްފައިވުމުގެ ސަބަބުން ދުވަހުން ދުވަހަށް ކުރަންޖެހޭ މަސައްކަތްތަކަށް ބުރޫއަރައި، ހުއްޓުމަކަށް އައިސްފައިވާ ކަމަށާއި މި ހާލަތުގައި ފުޓުބޯޅަ ލީގާއި އެހެނިހެން މުބާރާތްތައް ކުރިއަށްގެންދިއުމަކީ ކުރެވޭނެކަމެއް ނޫން ކަމަށެވެ.
ޖިނާއީ ތުހުމަތުތަކުގައި ތަހްގީގީ އިދާރާތަކަށާއި ތަންފީޒީ ބާރުތަކަށް އެފްއޭއެމްގެ އޮފީސް ބަލައި ފާސްކުރުމުގެ އިހުތިސާސް އޮންނާނެކަމަށް ފީފާ އާއި އޭއެފްސީން ގަބޫލު ކުރާ ކަމަށާއި ނަމަވެސް އެކަން ކުރަން ވާނީ ގާނޫނީ މަގުސަދަކަށްޓަކައި ގާނޫނީ އިމުގެ ތެރެއިން ކަމަށް ފީފާ އާއި އޭއެފްސީން ގުޅިގެން އެފްއޭއެމަށް ފޮނުވާފައިވާ ޖޮއިންޓް ސިޓީގައި ބުނެފައިވާ ކަމަށް އެފްއޭއެމްގެ ބަޔާނުގައި ވެއެވެ.
ނަމަވެސް އެފްއޭއެމް ހިންގުމުގައި މުސްތަގިއްލުަކަން ގެއްލުވާލައި ނުފޫޒު ފޯރުވާނަމަ ރާއްޖެއާ ދެކޮޅަށް ފީފާ އާއި އޭއެފްސީން ފިޔަވަޅު އަޅަނެ ކަމަށް ވެސް ބައިނަލްއަގްވާމީ އެ ދެ އިދާރާއިން އަންގާފައިވާ ކަމަށް އެފްއޭއެމުން ބުންޏެވެ.
Tweet
Telegram
ގުޅުންހުރި ލިޔުންތައް
3 މަސް ކުރިން
0
ބައްސާމުގެ ޕާސްޕޯޓް ދޫކޮށެއް ނުދިން
3 މަސް ކުރިން
0
ބައްސާމްގެ މައްޗަށް ހިޔާނާތްތެރިވުމާއި މަނީލޯންޑަރިންގެ ދައުވާ އުފުލައިފި
4 މަސް ކުރިން
0
ފީފާ އިން އެފްއޭއެމްގެ އިންތިހާބު ހުއްޓުވައިފި
4 މަސް ކުރިން
0
އެފްއޭއެމްގެ އިންތިހާބުގެ ކަންކަން ހުއްޓާލުމަށް ސްޕޯޓްސް ކޮމިޝަނަރު ތޮލާލް އަންގައިފި
ކިޔުންތެރިންގެ ޝުއޫރު
0%
100%
0%
0%
ފޮނުވާ
0 ކޮމެންޓް
މަގުބޫލު
އެންމެފަސް
އެންމެ ފަސް
އެންމެ މަގުބޫލު
އިގްތިސޯދީ ހުރި، ގޮންޖެހުން ކުޑަކުރަން ފިޔަވަޅުތައް އަވަސްކުރަން ޖެހޭ: ވޯލްޑް ބޭންކް
17 މިނެޓް ކުރިން
0
ހައްޖުގެ އަޅުކަން އަދާކުރުމުގެ ފުރުސަތު އެމްއޭސީއެލްގެ 10 މުވައްޒަފަކަށް
31 މިނެޓް ކުރިން
0
ދެ ކުއްޖެއްގެ ބޯންމެރޯ ކާމިޔާބު: މިނިސްޓަރު
4 ގަޑިއިރު ކުރިން
0
އެސްޓީއޯ ސްމާޓް ސްޓޯރުން މިހާރު 24 ގަޑިއިރު ވިޔަފާރި ކުރެވޭނެ
16 ގަޑިއިރު ކުރިން
0