ރާއްޖެޓީވީގެ ކުރީގެ ނޫސްވެރިޔާ ތަހާރަތަށް ސިޔާސީ މަގާމެއް
އަލީ ރާޒީ
19 ޖެނުއަރީ 2022 - 13:16
0 comments
ރާއްޖެ ޓީވީގެ ކުރީގެ ނޫސްވެރިޔާ ތަހާރަތު ވަހީދު
ރާއްޖެ ޓީވީގެ ކުރީގެ ނޫސްވެރިޔާ ތަހާރަތު މުހައްމަދު ވަހީދަށް ހަޔާ އެޑިއުކޭޝަން މިނިސްޓްރީގެ ސިޔާސީ މަގާމެއް ދީފިއެވެ.
ތަހާރަތަށް ދީފައިވަނީ ހަޔާ އެޑިއުކޭޝަން މިނިސްޓްރީގެ ކޮމިއުނިކޭޝަން ޑިރެކްޓަރުގެ މަގާމެވެ. އޭނާގެ ދަށުން އެ މިނިސްޓްރީގެ މީޑިއާ ޑިޕާޓްމެންޓް މަސައްކަތްކުރާނެއެވެ. އެ މަގާމުގެ މުސާރައަކީ 15،000ރ އެވެ. އަދި ލިވިން އެލަވަންސް ގެ ގޮތުގައި އިތުރު 10،000ރ ލިބޭނެއެވެ. ފޯނު އެލަވަންސްގެ ގޮތުގައި 500 ރުފިޔާ ލިބޭނެއެވެ. އަދި އޭގެ އިތުރުން އިތުރު ގަޑީގެ މަސައްކަތްކޮށްފިނަމަ އެ ފައިސާވެސް ލިބޭނެއެވެ. މަގާމުގެ މުސާރަ ޖުމްލަ 25،000 ރުފިޔާއަށް ވުރެ އިތުރުވާނެއެވެ.ތަހާރަތު ވަނީ ގިނަ ދުވަސްތަކެއް ވަންދެން ނޫސްވެރިއެއްގެ ގޮތުގައި މަސައްކަތް ކުރައްވައިފައެވެ. އޭނާ އެންމެ ގިނަ ދުވަހު މަސައްކަތް ކުރައްވާފައި ވަނީ ރާއްޖެ ޓީވީގައެވެ. ތަހާރަތު ރާއްޖެ ޓީވީން ވަކިކުރީ އޭސީސީގެ މެމްބަރުންތަކަކާ ބައްދަލު ކުރި މައްސަލައެއްގަ އެެވެ. އޭގެ ފަހުން އޭނާ ދިޔައީ އަމިއްލަ ނޫހެއް ވެސް ނެރެމުންނެވެ. އޭނާ ވަނީ ނޫސްވެރިކަމުގެ ދާއިރާއިން މަތީ ތައުލީމު ވެސް ހާސިލްކުރައްވައިފައެވެ.ތަހާރަތުގެ އިތުރުން ރާއްޖެ ޓީވީގައި މަސައްކަތްކުރި ގިނަ ނޫސްވެރިންތަކެއް ސަރުކާރުގެ އެކި ސިޔާސީ މަގާމުތައް އަދާކުރައްވަމުންގެންދަވާކަން ފާހަގަކުރެވެއެވެ.
ކިޔުންތެރިންގެ ޝުއޫރު
އެންމެ ފަސް
އެންމެ މަގުބޫލު
Copyright © 2018 Hoara Online