މަތީ ތައުލީމުގެ ލޯނަށް 500 ފުރުސަތު ހުޅުވާލައިފި

މަރިޔަމް އަނާ

29 މާޗް 2025 - 22:07

0 comments

ރާއްޖެ އާއި ރާއްޖޭން ބޭރުން މަތީ ތައުލީމު ހާސިލުކުރަން ސަރުކާރުން ދޫކުރާ ލޯނު ސްކީމަށް އެދި ހުށަހެޅުމުގެ ފުރުސަތު ހަޔާ ހަޔާ އެޑިއުކޭޝަން މިނިސްޓްރީން މިއަދު ހުޅުވާލައިފި އެވެ.

ހަޔަ އެޑިއުކޭޝަން މިނިސްޓްރީން ބުނީ ލޯން ދޫކުރާނީ ކެޓަގަރީއަކުން ކަމަށެވެ. އެއީ އަލަށް ކިޔަވަން ފަށާ ދަރިވަރުންނަށާއި މިހާރު ކިޔަވަމުން އަންނަ ދަރިވަރުންނެވެ.

މި ލޯނަށް އެދި ހުށަހަޅަން ޖެހޭނީ އެ ކަމަށް ޚާއްސަކޮށްފައިވާ ޕޯޓަލް މެދުވެރިކޮށެވެ.

ފާހަގަކޮށްލެވޭ ގޮތުގައި؛

ކޮންމެ ދަރިވަރަކަށް ވެސް ހުށަހެޅޭނީ އެއް އެޕްލިކޭޝަން
އެއަށް ވުރެ ގިނައިން ހުށަހަޅައިފި ނަމަ ބާތިލުވާނެ
އެޕްލިކޭޝަނާ އެކު ހުށަހަޅަންޖެހޭ ލިޔުންތައް ފުރިހަމަނުވާނަމަ ވެސް ބާތިލުވާނެ
ލޯނު އަނބުރާ ދައްކަން ފަށަންޖެހޭނީ ކިޔެވުން ފުރިހަމަކުރުމަށް ފަހު

މީގެ އިތުރުން، ހަޔާ އެޑިއުކޭޝަނުން ވަނީ ކަނޑައެޅިފައިވާ ޕްރޮގްރާމުގެ މުއްދަތުގައި ދަރިވަރުގެ އިހުތިޔާރުން ބޭރުން ދިމާވާ ސަބަބަކާ ހުރެ ޕްރޮގްރާމް ފުރިހަމަނުކުރެވި ތިބި ދަރިވަރުންނާއި ފުރިހަމަކުރި ޕްރޮގްރާމާ ގުޅިގެން ހަދަންޖެހޭ އިންޓާންޝިޕް ހެދުމަށް ދަރިވަރުންނަށް އެހީތެރިވުމުގެ ގޮތުން ޓޮޕްއަޕް ލޯނަށް ވެސް ހުޅުވާލައިފަ އެވެ.

ރައީސް ޑރ. މުހައްމަދު މުއިއްޒު އިއްޔެ ވަނީ ސްޓޫޑެންޓް ލޯނު އަނބުރާ ދައްކާއިރު އެޑްމިނިސްޓްރޭޓިވް ފީގެ ގޮތުގައި މިހާރު ނަގަމުންދާ އެއް ޕަސެންޓު ނުނަގަން ނިންމަވައިފަ އެވެ.