ފުރަތަމަ ސަފުހާ
ޚަބަރު
ރިޕޯޓު
ދުނިޔެ
ވިޔަފާރި
ކުޅިވަރު
ދީން
ލައިފްސްޓައިލް
ފޮޓޯ
ކޮލަމް
ވާހަކަ
ޚަބަރު
ރިޕޯޓު
ދުނިޔެ
ވިޔަފާރި
ކުޅިވަރު
ދީން
ލައިފްސްޓައިލް
ފޮޓޯ
ކޮލަމް
ވާހަކަ
ޚަބަރު
ތައުލީމީ ދާއިރާގެ ރިސާޗް ގުރޫޕާ ރައީސް ބައްދަލުކުރައްވައިފި
ފާތުމަތު މަލްހާ
09 މާޗް 2022 - 21:59
0
comments
Tweet
Telegram
ތަޢުލީމީ ދާއިރާގެ ޓީޗަރުންނަށް ކުރިމަތިވެފައިވާ މައްސަލަތައް ދިރާސާ ކުރެއްވުމަށްޓަކައި އެކުލަވާލައްވާފައިވާ ރިސަރޗް ގްރޫޕާއި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، މިއަދު ބައްދަލުކުރައްވައިފިއެވެ. މި ބައްދަލުކުރެއްވުން ކުރިޔަށްގެންދަވާފައިވަނީ މިއަދު މެންދުރު ރައީސުލްޖުމްހޫރިއްޔާގެ އޮފީހުގައެވެ.
މިއަދުގެ ބައްދަލުކުރެއްވުމުގައި ރައީސުލްޖުމްހޫރިއްޔާ ދެއްކެވި ވާހަކަފުޅުގައި، މި ދިރާސާއަކީ ތަޢުލީމީ ދާއިރާއަށް ސަރުކާރުން ދެއްވާ އިސްކަމުގެ ތެރެއިން ތަޢުލީމު ފޯރުކޮށްދެއްވާ މަރުކަޒުތަކުގައި ތިއްބަވާ މުދައްރިސުންނަށް ދިމާވެފައިވާ މައްސަލަތަކާއި ދަތިތައް އޮޅުންފިލުވައި، ދަރިވަރުންނަށް ފޯރުކޮށްދެވޭ ތަޢުލީމުގެ ފެންވަރު މަތިކުރުމަށް އަމާޒުކޮށް ކުރެވޭ ވަރަށް މުހިންމު ދިރާސާއެއް ކަމުގައި ވިދާޅުވިއެވެ. އަދި މި ދިރާސާގެ އަލީގައި ދެނެގަނެވޭ ކަންކަމުގެ މައްޗަށް ބިނާކޮށް، އެކަންކަން ހައްލުކުރުމަށް ހުށަހަޅާފައިވާ ކަންކަން ސަރުކާރުގެ ތަޢުލީމީ ސިޔާސަތުގެ ތެރެއިން ތަންފީޒު ކުރައްވާނެ ކަމުގައި އެ މަނިކުފާނު ވިދާޅުވިއެވެ.
މި ބައްދަލުކުރެއްވުމުގައި ތަޢުލީމީ ދާއިރާގެ ޓީޗަރުންނަށް ކުރިމަތިވެފައިވާ މައްސަލަތައް ދިރާސާ ކުރެއްވުމަށްޓަކައި އެކުލަވާލައްވާފައިވާ ރިސަރޗް ގްރޫޕުން ވަނީ މިހާތަނަށް ކުރެވުނު މަސައްކަތުގެ ތެރެއިން ފާހަގަކުރެވުނު މައިގަނޑު ކަންތައްތަކާ ގުޅޭގޮތުން ވަރަށް ތަފްސީލުކޮށް މަޝްވަރާކުރައްވާފައެވެ. މިއަދުގެ ބައްދަލުކުރެއްވުމުގައި މަޝްވަރާ ކުރެވުނު ބައެއް ކަންތައްތަކުގެ ތެރޭގައި ޓީޗަރުންގެ މުސާރަ، ވަރކްލޯޑާއި ވަރކް-ލައިފް ބެލެންސް، މުދައްރިސުންގެ ޙައްޤުތައް، މުދައްރިސުންނަށް ކުރާ ޤަދަރާއި އިޙްތިރާމް، މަސައްކަތް ކުރާތަނާއި ވަޞީލަތްތައް، ތަމްރީނާއި ތަރައްޤީ އަދި ތަޢުލީމީ ދާއިރާއަށް ކުރާ އަސަރު ހިމެނެއެވެ.
މި ބައްދަލުކުރެއްވުމުގައި ރައީސުލްޖުމްހޫރިއްޔާގެ ނައިބު، ފައިޞަލް ނަސީމާއި މިނިސްޓަރ އޮފް އެޑިއުކޭޝަން ޑޮކްޓަރ ޢާއިޝަތު ޢަލީއާއި ރައީސުލްޖުމްހޫރިއްޔާގެ އޮފީހުގެ ސްޕެޝަލް އެޑްވައިޒަރ އޮން ސޯޝަލް ޕޮލިސީ ޑޮކްޓަރ މުޞްޠަފާ ލުޠުފީ ބައިވެރިވެވަޑައިގެންނެވިއެވެ.
ދިވެހިރާއްޖޭގެ ސްކޫލްތަކަށް ފެންވަރު ރަނގަޅު ޓީޗަރުން ލިބުން ދަތިވާ ސަބަބުތައް ދެނެގަތުމަށްޓަކައި ދިރާސާއެއް ކުރައްވަން ނިންމަވައި ރައީސުލްޖުމްހޫރިއްޔާ އެކަން އިޢުލާންކުރެއްވީ 2019 ވަނަ އަހަރުގެ މަތީ ޘާނަވީ އިމްތިޙާނުތަކުގެ މަތީ ވަނަތަކަށް އިނާމާއި ހަނދާނީ ލިޔުން ދިނުމަށް ތާޖުއްދީން ސްކޫލްގައި ބޭއްވެވި ޖަލްސާގައެވެ. އެކަމަށްޓަކައި އެކުލަވައިލެވުނު 6 މެންބަރުންގެ ފަންނީ ގުރޫޕަކާ 3 މަސްދުވަހުގެ ތެރޭގައި އެ މަސައްކަތް ނިންމުމަށް ހަވާލުކުރެއްވީ 31 އޮކްޓޫބަރު 2021 ގައެވެ.
މި ދިރާސާ ކުރެއްވި ގްރޫޕްގައި ހިމެނިވަޑައިގަންނަވަނީ
1. ޑރ. އަޙްމަދު ޢަލީމަނިކު، މއ.މާނިކަ (ޗެއަރޕަރސަން) އެޑިޔުކޭޝަން ޕޮލިސީ އެންޑް ޕްލޭނިންގެ ދާއިރާގެ މެންބަރު
2. ޑރ. ޢަލީ ނަޖީބު، ނީލް، ބ.ކުޑަރިކިލު ހިއުމަން ރިސޯސްގެ ދާއިރާގެ މެންބަރު
3. ޑރ. ޢާއިޝަތު ޝަފިނާ، ގ.މަންބަޢު ސޯޝިއޮލޮޖީގެ ދާއިރާގެ މެންބަރު
4. އަލްފާޟިލާ އާމިނަތު ޒުބައިރު، ކަޅުމަގިގެ، ސ.ހުޅުދޫ ޓްރޭނިންގެ ދާއިރާގެ މެންބަރު
5. އަލްފާޟިލް ޢަބްދުﷲ ޒަކަރިއްޔާ، އާހަނދުވަރު، ހއ.ދިއްދޫ ފައިނޭންސްގެ ދާއިރާގެ މެންބަރު
6. އަލްފާޟިލް ޢަބްދުﷲ ރަޝީދު، ދަކަދާމާގެ، ލ.މާބައިދޫ ތަޢުލީމީ ދާއިރާގެ މެންބަރު
ތައުލީމީ ދާއިރާގެ ރިސާޗް ޓީމާ ރައީސް މިއަދު ބައްދަލުކުރައްވާފައި މިވަނީ ތައުލީމީ ދާއިރާގެ ހުރިހާ މުވައްޒަފުންގެ މުސާރަ ބޮޑުކުރުމަށް ސަރުކާރުން ވައުދުވެފައިވާ ވަގުތެއްގަ އެވެ. މިއަހަރުގެ ރިޔާސީ ބަޔާންގައި ރައީސް ވަނީ ކުރިއަށް އޮތް މެއި މަހުގެ އެއްވަނަ ދުވަހުން ފެށިގެން ތައުލީމީ ދާއިރާގެ މުސާރަތައް ބޮޑުކުރައްވާނެ ކަމަށް އިއުލާންކުރައްވާފަ އެވެ.
Tweet
Telegram
ގުޅުންހުރި ލިޔުންތައް
2 ދުވަސް ކުރިން
0
ހައުސިން ކޮމިޓީން އަނީސާ އިސްތިއުފާ ދެއްވައިފި
4 ދުވަސް ކުރިން
0
ދައުލަތަށް ދިގު މުއްދަތަކަށް ޚިދުމަތްކޮށްފައިވާ މީހުންގެ ނަން ކޮމިޓީއަށް ފޮނުވާނީ ރައީސް އޮފީހުން
6 ދުވަސް ކުރިން
0
ނުރަސްމީ ދަތުރުފުޅެއްގައި ރައީސްގެ ދެކަނބަލުން ސިންގަޕޫރަށް
9 ދުވަސް ކުރިން
0
މަޖިލިސް އިންތިހާބަށް އޭޕްރިލް 21، 22 ބަންދުކޮށްފި
ކިޔުންތެރިންގެ ޝުއޫރު
0%
0%
0%
0%
ފޮނުވާ
0 ކޮމެންޓް
މަގުބޫލު
އެންމެފަސް
އެންމެ ފަސް
އެންމެ މަގުބޫލު
ވީބީ ހަސަންގެ ކެންޑިޑެސީ ސުޕްރީމް ކޯޓުން ބާތިލްކޮށްފި
1 ގަޑިއިރު ކުރިން
0
މަޖިލިހުގެ ސާޖަންޓް އެޓް އާމްސްގެ މަގާމަށް ތޮލްހަތު
16 ގަޑިއިރު ކުރިން
0
އެޗްޑީއެފްސީގެ އެމްޑީއަކަށް ޒީނާދު
16 ގަޑިއިރު ކުރިން
0
ފަހު ދިހައެއްގައި ބީއެމްއެލްއިން ހިދުމަތް ދޭނީ ހެނދުނު
16 ގަޑިއިރު ކުރިން
0