ޚަބަރު
ހުޅުމާލެ 2 ގެ ފުރަތަމަ ސްކޫލް އާދީއްތަ ދުވަހު ހުޅުވަނީ
ހުޅުމާލޭ ދެވަނަ ފިޔަވަހީގައި އިމާރާތްކޮށްފައިވާ ޕްރައިމަރީ ސްކޫލް ---
ހުޅުމާލޭ ދެވަނަ ފިޔަވަހީގައި އިމާރާތްކުރި ފުރަތަމަ ސްކޫލްގެ ކިޔެވުން އަންނަ އާދިއްތަ ދުވަހު ފެށުމަށް ތައްޔާރުވެއްޖެއެވެ.

ކާމިލް ދީދީ ޕްރައިމަރީ ސްކޫލުގައި ކިޔަވައިދޭނީ ޕްރީ ސްކޫލުން ފެށިގެން ގްރޭޑް 6 އާ ހަމައަށެވެ.

ޖުމުލަ 12 ކްލާސް ރޫމް ހިމެނޭ އަހުމަދު ކާމިލްދީދީ ޕްރައިމަރީ ސްކޫލު ހަދަން އެސްޖޭ ކޮންސްޓްރަކްޝަން ކުންފުންޏާ އެކު އެޗްޑީސީން ސޮއިކުރީ މިދިޔަ މާޗު މަހު އެވެ. އެއީ 165 ދުވަސް ތެރޭގައި ނިންމާ ގޮތަށެވެ.

ނަމަވެސް، މި މަހުގެ ހަތް ވަނަ ދުވަހު ފެށި ދިރާސީ އާ އަހަރާ ގުޅޭ މައުލޫމާތު ދިނުމަށް ބޭއްވި ބައްދަލުވުމުގައި މިނިސްޓަރު ޑރ. އައިޝަތު އަލީ ވިދާޅުވީ ސްކޫލު މަސައްކަތްތައް ލަސްވީ ޔުކްރެއިނާއި ރަޝިޔާގެ ހަނގުރާމައާ ހެދި ތަކެތި ލިބުން ލަސްވުމުން ކަމަށެވެ.

އެހެންވެ، ކާމިލް ދީދީ ސްކޫލުން ޖާގަ ލިބުނު ދަރިވަރުންނަށް ކިޔަވައިދެމުން ދިޔައީ ހުޅުމާލޭގެ ތިން ސްކޫލުންނެވެ. އެއީ، ހުރަވީ ސްކޫލާއި ރެހެންދި އަދި ގާޒީ ސްކޫލަށެވެ.

ސަތޭކަ ފަސްދޮޅަސް ފަސް ދުވަސް ތެރޭގައި މަސައްކަތް ނިންމުމަށް އެއްބަސްވި ނަމަވެސް, ބޭރުން ގެންނަ މުދާ ނުލިބުމުން ދިރާސީ އާ އަހަރު ފެށުނުއިރު ވެސް ސްކޫލް ވަނީ ހުޅުވޭ ގޮތް ނުވެފައެވެ.

ދެވަނަ ފިޔަވަހީގައި އިމާރާތްކުރި "އަހުމަދު ކާމިލްދީދީ ޕްރައިމަރީ ސްކޫލް" ގެ މަސައްކަތް އެޗްޑީސީން އެސްޖޭ ކޮންސްޓްރަކްޝަން ކުންފުންޏާ ހަވާލުކޮށްފައިވަނީ މިދިޔަ މާޗު މަހުގެ ތެރޭގައެވެ.

އެޑިއުކޭޝަން މިނިސްޓްރީން ބުނީ ކާމިލްދީދީ ސްކޫލްގެ މަސައްކަތް މިހާރު ވަނީ އެއްކޮށް ނިމިފައިވާ ކަމަށާއި އަންނަ އާދިއްތަ ދުވަހު އެ ސްކޫލްގެ ދަރިވަރުން ސްކޫލަށް ހާޒިރުވެގެން ކިޔަވަން ފަށާނެ ކަމަށެވެ.


ކިޔުންތެރިންގެ ޝުއޫރު
0%
0%
0%
0%
0 ކޮމެންޓް
މަގުބޫލު
އެންމެފަސް
އެންމެ ފަސް
އެންމެ މަގުބޫލު