ޓޫރިޒަމް މިނިސްޓަރު ޑރ. އަބްދުﷲ މައުސޫމު ޖުމްހޫރީ ޕާޓީން ވަކިވެވަޑައިގެންފި އެވެ.

މިނިސްޓަރ މައުސޫމް ކުރެއްވި ޓުވިޓެއްގައި ވިދާޅުވީ، މިއަދު ހަވީރު 16:00 ގައި ޖުމްހޫރީ ޕާޓީ ދޫކުރައްވާފައިވާ ކަމަށެވެ.

ޖުމްހޫރީ ޕާޓީ ދޫކުރައްވައި ވަޑައިގެން މައުސޫމް ވަނީ އެޕާޓީގެ ލީޑަރު، ގާސިމް އިބްރާހިމް އަށާއި ލީޑަރޝިޕްގެ ބޭފުޅުންގެ އިތުރުން މެމްބަރުންނަށް ބޭއްވި ރަހުމަތްތެރިކަމުގެ ގުޅުމަށް ޝުކުރު އަދާ ކުރައްވާފައެވެ.

ޑީއާރްޕީގައި ހުންނެވުމަށްފަހު ޑރ. މައުސޫމް ޖުމްހޫރީ ޕާޓީ އަށް ސޮއިކުރެއްވީ ޖޭޕީއަށް މައުސޫމް ސޮއިކުރެއްވީ މެއި 5، 2014 ގައެވެ.

މިނިސްޓަރު މައުސޫމް ވަނީ އޭނާ ޖޭޕީގައި މަސައްކަތް ކުރެއްވި ދުވަސްވަރު އެ ޕާޓީގެ ލީޑަރު ގާސިމް އިބްރާހިމާއި އިސް ބޭފުޅުން ބެހެއްޓެވި ގާތްކަމަށް ޝުކުރުއަދާކުރައްވާފަ އެވެ.

ޖުމްހޫރީ ޕާޓީގެ ކުރީގެ ނައިބް ރައީސް ޑރ. މައުސޫމް އެ ޕާޓީން ވަކިވެވަޑައިގެންފައި މިވަނީ ޕާޓީގެ ލީޑަރު ގާސިމް އިބްރާހީމް ރިޔާސީ އިންތިހާބަށް ނިކުންނަވާނެ ކަަމަށް ވިދާޅުވުމާ ގުޅިގެން ޕާޓީގެ ކަންކަމުގައި ދުރުގައި ހުންނަވާތާ އެތައް މަހެއް ފަހުންނެވެ.