ފަސް ޕާޓީއަކަށް 27 މިލިއަން ރުފިޔާ ދޫކޮށްފި

އިސްމާއިލް ރިޒާ

09 ނޮވެމްބަރ 2025 - 20:13

0 comments

ސިޔާސީ ޕާޓީތަކުގެ ތެރެއިން ޤާނޫނުގައި ބަޔާންކުރާ ޢަދަދަށް މެންބަރުން ހަމަވާ ޕާޓީތަކަށް ފައިސާ މިހާރު ދޫކޮށްފައިވާކަމަށް އިލެކްޝަންސް ކޮމިޝަނުން ވިދާޅުވެއްޖެ އެވެ.

ފައިސާ ދޫކުރީ ސިޔާސީ ޕާޓީތަކުގެ ތެރޭގައި ހިމެނޭ 9 ޕާޓީއެެއްގެ ތެރެއިން 5 ޕާޓީއަކަށެވެ. އެ ޕީއެންސީ، އެމްޑީޕީ، ޖޭޕީ، ޢަދާލަތު ޕާޓީ އަދި އެމްޑީއޭ އެވެ.

މި ފަސް ޕާޓީ އަށް ޖުމްލަ 27 މިލިއަން ރުފިޔާ ދޫކޮށްފައިވެ އެވެ

ޕާޓީތަކަށް ދޫކުރި ފައިސާގެ ތަފުސީލު:

* ޕީއެންސީ: 13،316،689.57ރ.
* އެމްޑީޕީ: 8،454،780.51ރ.
* ޖޭޕީ: 2،656،598.57ރ.
* އެމްޑީއޭ: 1،769،648.69ރ.
* ޢަދާލަތު ޕާޓީ: 1،713،538.65ރ.

ފައިސާ ދޫކުރި ޕާޓީތަކުގައި މެންބަރުން ހިމެނޭ އަދަދު:

• ޕީޕަލްސް ނޭޝަނަލް ކޮންގްރެސް (PNC) - 68665 މެންބަރުން
• ދިވެހިރައްޔިތުންގެ ޑިމޮކްރެޓިކް ޕާޓީ (MDP) - 43765 މެންބަރުން
• ޖުމްހޫރީ ޕާޓީ (JP) - 13456 މެންބަރުން
• މޯލްޑިވްސް ޑިވެލޮޕްމެންޓް އެލަޔަންސް (MDA) - 9011 މެންބަރުން
• ޢަދާލަތު ޕާޓީ (AP) - 8844 މެންބަރުން

އިލެކްޝަންސް ކޮމިޝަންގެ ދަފްތަރުގައި 9 ސިޔާސީ ޕާޓީއެއް އޮތްއިރު ޤާނޫނުގައި ބަޔާންކުރާ ޢަދަދަށް މެންބަރުން ހަމަނުވުމުގެ ސަބަބުން އެމްޓީޑީ އުވާލުމުގެ މަސައްކަތް އެކޮމިޝަނުން މިހާރު ދަނީ ކުރަމުންނެވެ.

ޖޭޕީގައި 13،456 މެންބަރުން، އެމްޑީއޭގައި 9،011 މެންބަރުން އަދި ޢަދާލަތު ޕާޓީގައި 8،844 މެންބަރުން ހިމެނެ އެވެ.