ވޮކޭޝަނަލް އެޑިޔުކޭޝަން ދިނުމަށް ބޭނުންކުރާ ފުރަތަމަ ލެބް ހުޅުވައިފި

މަރިޔަމް އަނާ

05 ސެޕްޓެމްބަރ 2023 - 02:09

0 comments

ސްކޫލްތަކުގައި ވޮކޭޝަނަލް އެޑިޔުކޭޝަންގެ ތަޢުލީމު ދިނުމަށް ޤާއިމުކުރާ ލެބްތަކުގެ ތެރެއިން އެންމެ ފުރަތަމަ ލެބް ތާޖުއްދީން ސްކޫލުގައި ހުޅުވައިފިއެވެ. މި ލެބް ހުޅުއްވައިދެއްވީ އެޑިޔުކޭޝަން މިނިސްޓަރ ޑރ. އައިޝަތު ޢަލީއެވެ.

އެ ލެބު ހުޅުވައިދެއްވީ އެޑިއުކޭޝަން މިނިސްޓަރު ޑރ. އައިޝަތު އަލީއެވެ.

އެޑިއުކޭޝަން މިނިސްޓްރީން ބުނީ އާންމު ދިރިއުޅުމުގައި ދަސްކުރަން މުހިންމު ހުނަރުތައް ކަމަށްވާ ކެއްކުމާއި ފެހުމާއި ވަޑާންކުރުމުގެ މަސައްކަތް އަދި އާޓް އެންޑް ކުރާފްޓުގެ މަސައްކަތްތައް އެ ލެބު މެދުވެރިކޮށް ދަރިވަރުންނަށް ދަސްކޮށްދޭނެ ކަމަށެވެ. ލެބުގެ ސަބަބުން ދަރިވަރުންގެ ފަންނީ ހުނަރުތަކުގެ އިތުރުން އެ ކުދިންގެ ކިބައިގައި އުފެއްދުންތެރިކަމުގެ ވިސްނުން އަށަގެންނެވޭނެ ކަމަށްވެސް ބުންޏެވެ.

ވޮކޭޝަނަލް އެޑިޔުކޭޝަން ކިޔަވައިދޭނީ މިހާރުގެ މަންހަޖުގައި ކިޔަވައިދޭ މާއްދާތަކަށް މަސައްކަތްތެރިކަމާއި ހުނަރުގެ ބައިތައް އެއްކޮށްގެންނެވެ. މިއީ ދަރިވަރުން ޝަޢުގުވެރިވާގޮތަށް ތަޢުލީމު ބައްޓަން ކުރަމަށް އެޅޭ މުހިންމު ފިޔަވަޅެއްގެ ގޮތުގައި އެޑިޔުކޭޝަން ފާހަގަކުރައްވައެވެ.

ރާއްޖޭގެ ހުރިހާ އަތޮޅުތަކެއް ހިމެނޭ ގޮތަށް، 82 ސްކޫލެއްގައި މަސައްކަތްތެރިކަމުގެ ތައުލީމު ދަސްކޮށްދޭ ލެބުތައް ގާއިމުކުރަން މިނިސްޓްރީން ނިންމާފައިވާއިރު، ވޮކޭޝަނަލް އެޑިއުކޭޝަން ކިޔަވައިދޭނީ މިހާރުގެ މަންހަޖުގައި ކިޔަވައިދޭ މާއްދާތަކަށް މަސައްކަތްތެރިކަމާއި ހުނަރުގެ ބައިތައް އެއްކޮށްގެން ދަރިވަރުންގެ ޝައުގުވެރިވާ ގޮތަކަށް މިނިސްޓްރީން ބުނެއެވެ.

އޭ.އީ.ޑީ.ޕީއަކީ ވޯލްޑް ބޭންކުގެ 9 މިލިއަން ޑޮލަރުގެ ހިލޭ އެހީއާއި ދިވެހި ސަރުކާރުގެ އެއް މިލިއަން ޑޮލަރު ހިމެނޭގޮތަށް މިނިސްޓްރީ އޮފް އެޑިޔުކޭޝަންގައި ޤާއިމުކުރެވިފައިވާ 10 މިލިއަން ޑޮލަރުގެ ޕްރޮޖެކްޓެކެވެ.