ބޯތިރިއެއް ނުކުރާނަން، މަސައްކަތް މި ކުރަނީ ސީދާ ރައީސް ޔާމީންގެ ލަފާގެ މަތިން: މަލީހު

އައިމިނަތު ޝިޔާޒާ

22 ނޮވެމްބަރ 2023 - 18:26

1 comments

މަލީހް މިހެން ވިދާޅުވީ ޕީޕީއެމްގެ ދެ ނާއިބު ރައީސުން ކަމަށްވާ ޑިފެންސް މިނިސްޓަރު ޣައްސާން މައުމޫނާއި ފިޝަރީޒް މިނިސްޓަރު އަހްމަދު ޝިޔާމް ސޮއިކުރައްވާ ބަޔާނެއް ނެރުއްވާ ކުރީގެ މިނިސްޓަރު މުހައްމަދު މަލީހް ޕީޕީއެމުން ސަސްޕެންޑް ކޮށްފައިވާ ކަން ހާމަކޮށްފައި ވަނިކޮށެވެ.

ޕީޕީއެމްގެ ދެ ނައިބު ރައީސުން ކަމަށްވާ، އާ ސަރުކާރުގެ ފިޝަރީޒް މިނިސްޓަރު އަހުމަދު ޝިޔާމް އަދި ޑިފެންސް މިނިސްޓަރު ގައްސާން މައުމޫން ސޮއިކުރައްވައި މިއަދު މަލީހަށް ފޮނުއްވާފައިވާ ސިޓީއެއްގައި ވަނީ، ޕާޓީގެ ލީޑާޝިޕަށް ފާހަގަވެފައިވާ ކަންކަމަށް ބަލައި ޕާޓީގެ ހަރަކާތްތަކުން މަލީހު ސަސްޕެންޑުކޮށް، އޭނާގެ މައްސަލަ ޕާޓީގެ ސުލޫކީ ކޮމިޓީއަށް ފޮނުވާފައިވާ ކަމަށް އަންގަވާފަ އެވެ.

އެ ސިޓީގައި، މިވަގުތުން ފެށިގެން ޕާޓީގެ ސުލޫކީ ކޮމިޓީން ގޮތެއް ނިންމަންދެން ޕާޓީގެ އެއްވެސް ހަރަކާތެއްގައި މަލީހު އެއްވެސް ގޮތަކަށް ބައިވެރިވެވަޑައިގެން ނުވާނެ ކަމަށް ވެސް އަންގާފައިވެ އެވެ.

އޭނާ އެކްސްގައި ކުރެއްވި ޕޯސްޓެއްގައި ވިދާޅުވީ، ރައީސް ޔާމީނާއި ޕީޕީއެމްގެ ދިފާޢުގައި އެންމެ އިންޗިއެއްވެސް ފަހަތަށް ޖެހި ވަޑައި ނުގަންނަވާނެ ކަމަށެވެ.

މަލީހް ސަސްޕެންޑް ކުރި ކަމަށް ނިންމި ދެ މިނިސްޓަރުންނަަށް ފާޑުވިދާޅުވެ މަލީހް ވަނީ ވަޒީފާގެ އަޅުންނަށްވެ ޕާޓީގެ މަސްލަހަތު ނަގާލާ ވަޒީފާގެ ބިރަށް ސިޓީގައި ސޮއެކުރާ ފިނޑިންކުރިމަތީ ބޯތިރި ނުކުރާނެ ކަމަށް ވެސް ވިދާޅުވެފައެވެ.