ރީޖަނަލް އެއާޕޯޓްސްގެ ޗެއާމަނަކަށް ނާސިފް

މަރިޔަމް އަނާ

27 ޖެނުއަރީ 2024 - 13:10

0 comments

އަހްމަދު ނާސިފް --- ފޮޓޯ: މިހާރު

ރީޖަނަލް އެއަރޕޯޓްސްގެ ޗެއާޕާސަނަކަށް އަހްމަދު ނާސިފް އައްޔަންކޮށްފި އެވެ.

ނާސިފަކީ ކުރީގެ ރައީސް އަބްދުﷲ ޔަމީންގެ ސަރުކާރުގައި ތިލަފުށި ކޯޕަރޭޝަން ލިމިޓެޑް (ޓީސީއެލް) ގެ މެނޭޖިންގ ޑިރެކްޓަރުގެ މަގާމާއި ގްރޭޓާ މާލެ އިންޑަސްޓްރިއަލް ޒޯން ލިމިޓެޑްގެ އެމްޑީގެ މަގާމު އަދާކުރައްވާފައިވާ ބޭފުޅެކެވެ.

އެޗްޑީސީގެ އެމްޑީގެ މަގާމުވެސް ނާސިފް އަދާކުރައްވާފައިވެއެވެ.

އާރްއޭސީއެލް އިން ބުނީ ނާސިފްގެ ލީޑަޝިޕް ހުނަރާއި ސްޓްރެޓެޖިކް ވިސްނުމާއި އެކު، އެ ކުންފުނި އާ އުސްމިންތަކަކަށް ގެންދެވޭނެ ކަމުގެ ޔަގީންކަން އެބައޮތް ކަމަށެވެ.

"ރީޖަނަލް އެއަރޕޯޓްސް ކޮމްޕެނީ ލިމިޓެޑް" ގެ ނަމުގައި ސަރުކާރުގެ ކުންފުންޏެއް އުފެއްދީ 2020 ވަނަ އަހަރުއެވެ.

އެތޭރޭގެ އެއާޕޯޓްތައް ބަލަހައްޓާ ރީޖަނަލް އެއާޕޯޓްސް ކުންފުނީގެ މެނޭޖިންގެ ޑިރެކްޓަރަކީ ބިލެއްދޫ ދާއިރާގެ ކުރީގެ މެންބަރު އަހުމަދު މުބީންނެވެ.