ޕޯސްޓުން ރާއްޖެއަށް މަސްތުވާތަކެތި އެތެރެކުރި މީހަކު ހައްޔަރުކޮށްފި

މަރިޔަމް އަނާ

04 ޖުލައި 2024 - 12:36

0 comments

ފުލުހުން އަތުލި ސާމާނުގެ ފޮޓޯއެއް

ޕޯސްޓު މެދުވެރިކޮށް ރާއްޖެއަށް މަސްތުވާތަކެތި އެތެރެކުރި މީހަކު ހައްޔަރުކޮށްފި އެވެ.

ފުލުހުން ބުނީ އެ މައްސަލައިގައި ހައްޔަރު ކޮށްފައި ވަނީ 31 އަހަރުގެ ދިވެހި ފިރިހެނެއް ކަމަށެވެ. އޭނާ ހައްޔަރު ކުރީ ކަސްޓަމްސްއިން ދިން މައުލޫމާތަކާ ގުޅިގެން ޑުރަގު އެންފޯސްމެންޓުން ހިންގި އޮޕަރޭޝަނެއްގެ ތެރެއިން މިދިޔަ އަންގާރަ ދުވަހު ކަމަށެވެ.

އެ މީހާ ހައްޔަރު ކުރުމަށްފަހު އޭނާ އަތުގައި އޮތް ޕާރުސަލް ބަލައި ފާސް ކުރިއިރު، މަސްތުވާތަކެތި ކަމަށް ޝައްކު ކުރެވޭ އެއްޗެއް އަޅާފައި ހުރި 20 ކާޓުރިޖު ފެނިފައިވާ ކަމަށް ފުލުހުން ބުންޏެވެ.

މި މައްސަލައާ ގުޅިގެން އޭނާގެ ބަންދާ މެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން ފަސް ދުވަހަށް ބަންދުކުރުމަށް ކޯޓުން އަމުރުކޮށްފައިވެ އެވެ.

ފުލުހުން ބުނީ މި މައްސަލަ އިތުރަށް ތަހުގީގުކުރަމުންނެވެ.