ހޯރަފުށީ ކައުންސިލް އޮޑިޓް ރިޕޯޓް 2022: އެތައް މިލިއަން ރުފިޔާއެއް ގެއްލިފައި..!

އަހުމަދު ނިހާން

07 ޖުލައި 2024 - 16:25

4 comments

ހއ. ހޯރަފުށީ ކައުންސިލުގެ އިދާރާ

އެތައް މިލިއަން ރުފިޔާއެއް ވީނުވީއެއް ނޭނގި ހޯރަފުށީ ކައުންސިލް އިދާރާއިން "ގެއްލިފައި" ވާކަން ތިލަދުންމަތީ އުތުރުބުރީ ހޯރަފުށީ ކައުންސިލް އިދާރާގެ 2022 ވަނަ އަހަރުގެ މާލީ ބަޔާންތަކަށް އޮޑިޓަރ ޖެނެރަލް ތައްޔާރުކޮށް އާއްމުކޮށްފައިވާ ރިޕޯޓުން ދައްކައިފި އެވެ.

ހޯރަފުށީ ކައުންސިލް އިދާރާގެ 2022 ވަނަ އަހަރުގެ މާލީ އޮޑިޓް ރިޕޯޓު އާންމު ކޮށްފައިވަނީ ނިމުނު ޖޫން 4 ވަނަ ދުވަހު އެވެ.

މި އޮޑިޓްގައި ފާހަގަކުރެވުނު މައްސަލަތަކުގެ ތެރޭގައި ކައުންސިލުން ހަރަދުކުރަން ފާސްކުރާ ބަޖެޓަށް ވުރެ އިތުރަށް ހަރަދުކުރުމާއި މާލީ ހިސާބުތަށް ދިމާ ނުވުމާއި ލިބޭ ފައިސާ ބޭންކަށް ޖަމާކޮށްފައި ނެތުމާއި ހަރުމުދަލުގެ ރަޖިސްޓްރީ ބެލެހެއްޓިފައި ނެތުމާއި ލިބޭ ފައިސާ ހަރަދުކުރި ގޮތުގެ ތަފްސީލު ނެތުމުން ކައުންސިލް އިދާރާއަށް އަހަރުން އަހަރަށް ލިބުނު ފައިސާއާއި ހަރަދުކުރެވުނު ފައިސާގެ ތަފްސީލު ކައުންސިލްގެ ވިޔަ މޮޑިއުލްގައި ސާފު ނުވެ އެތައް މިލިއަން ރުފިޔާއެއް "ގެއްލިފައި" ވާކަން ރިޕޯޓުން ވަނީ ހާމަވެފަ އެވެ.