އެޗްއާރުސީއެމްއަށް ހަބީބު އައްޔަން ކުރައްވައިފި

އަލީ ރާޒީ

08 ސެޕްޓެމްބަރ 2024 - 15:50

0 comments

ހިއުމަން ރައިޓްސް ކޮމިޝަން އޮފް ދަ މޯލްޑިވްސްގެ މެންބަރުކަމަށް އިލެކްޝަންސް ކޮމިޝަނުގެ ކުރީގެ ނައިބުރައީސް އަލްއުސްތާޒު އިސްމާއީލު ހަބީބު ރައީސް ޑރ.މުހައްމަދު މުއިއްޒު އައްޔަން ކުރައްވައިފި އެވެ.

ހަބީބަކީ އިލެކްޝަން ކޮމިޝަނަށް ގިނަ ދުވަސްތަކެއް ވަންދެން ހިދުމަތްކުރެއްވި ބޭފުޅެކެވެ. ކޮމިޝަނުގެ ސެކްރެޓަރީ ޖެނެރަލްކަމާއި، މެންބަރުކަމާއި ނައިބުރައީސްކަން އޭނާ އަދާކުރެއްވި އެވެ.

ރައީސް އޮފީހުގައި މިއަދު ވަކިވަކިން ބޭއްވި ދެ ރަސްމިއްޔާތެއްގައި ދެ ބޭފުޅުންނަށް ހުވާލައިދެއްވީ ސުޕްރީމް ކޯޓުގެ ފަނޑިޔާރު އަލީ ރަޝީދު ހުސައިނެވެ. ދެ ބޭފުޅުންވެސް ހުވައިކުރެއްވީ ރައީސް މުއިއްޒުގެ ކުރިފުޅުމަތީގަ އެވެ. އެއަށްފަހު ރައީސްވަނީ ދެ ބޭފުޅުންނަށްވެސް މަގާމުގެ ފަތްކޮޅު ހަވާލުކުރައްވާފަ އެވެ. ަ