މި އަހަރު 300 ވުރެ ގިނަ ސްކޮލަޝިޕްގެ ފުރުޞަތު

މަރިޔަމް އަނާ

07 އޮކްޓޫބަރ 2024 - 18:22

0 comments

މިއަހަރު މިހާތަނަށް 300އަށް ވުރެ ގިނަ ސްކޮލާޝިޕްގެ ފުރުސަތަށް ހަޔާ އެޑިއުކޭޝަން މިނިސްޓްރީން ހުޅުވާލައިފި އެވެ.

އެ މިނިސްޓްރީން ބުނީ މި އަހަރު ޖުމްލަ 53 ސްކޮލާޝިޕް ސްކީމެއް އިޢުލާންކޮށްފައިވާއިރު، ޖުމްލަ 345 ސްކޮލަޝިޕްގެ ފުރުޞަތުތަކެއް ހުޅުވާލާފައިވާ ކަމަށެވެ.

މިނިސްޓްރީ އިން އިޢުލާންކޮށްފައިވާ މި ސްކޮލާޝިޕް ފުރުޞަތުތަކުގެ ދަށުން މި އަހަރު، ޖުމްލަ 681 ދަރިވަރުން ދަނީ ރާއްޖެއާއި ރާއްޖެއިން ބޭރުން މަތީ ތަޢުލީމު ޙާޞިލުކުރަމުންނެވެ.

މީގެ އިތުރުން، މި އަހަރު ސްކޮލާޝިފް ދޫކޮށްފައިވާ ސްކީމްތަކުގެ ތެރޭގައި މަތީ ސާނަވީ އިމްތިހާނުތަކުން އެއްވަނަ ދަރަޖައިގައި ފާސްވާ ދަރިވަރުންނަށް ރައިސުލްޖުމްހޫރިއްޔާ ދެއްވާ ސްކޮލަޝިޕާއި ހައި އެޗީވާސް ސްކޮލާޝިޕް އަދި އެކައުންޓިން ސްކޮލާޝިޕް ހިމެނެ އެވެ.

މީގެ އިތުރުން، ޗައިނާ، ތުރުކީ، އިގިރޭސިވިލާތުގެ އިތުރުން ޖަޕާން ފަދަ ބޭރުގެ ގައުމުތަކުގެ ޚަރަދުގައި ދިވެހި ދަރިވަރުންނަށް މަތީ ތަޢުލީމު ހާޞިލުކުރުމާއި ތަމްރީނުވުމަށް ސްކޮލަޝިޕްގެ އެތަށް ފުރުޞަތުތަކެއް ހުޅުވާލާފައިވާ ކަން މިނިސްޓްރީން ފާހަގަކޮށްފައިވެ އެވެ.

ފާހަގަކޮށްލެވޭ ގޮތުގައި، މިދިޔަ އަހަރުގެ އޭ އެލެވެލް އިމްތިހާނުން އެންމެ މަތިން ފާސްވެފައިވާ ދަރިވަރުންނަށް ރައީސް ދެއްވާ ޚާއްސަ ސްކޮލާޝިޕް 19 ދަރިވަރަކު ވަނީ ހާސިލުކޮށްފަ އެވެ.