އިތުރު 10 ރަށެއްގައި ލައިސަންސް ނެނގޭ ގޮތް ހަދައިފި

މަރިޔަމް އަނާ

21 އޮކްޓޫބަރ 2024 - 17:22

0 comments

އެއްގަމު އުޅަނދު ދުއްވުމުގެ ލައިސަންސް އިތުރު 10 ރަށަކުން ނެނގޭ ގޮތް ހަދައިފި އެވެ.

ޓްރާންސްޕޯޓް މިނިސްޓްރީން ވަނީ މީގެ ކުރިން އެ ރަށްރަށުގައި މިކަމަށް މީހުން ތަމްރީނު ކޮށްފައި ވާކަމަށް ބުނެފައެވެ. އަދި އެ ތަމްރީނުތަކުގެ އެހީގައި އިތުބާރު ހިފޭ ގޮތަށް މި ޚިދުމަތް ފޯރުކޮށްދެވޭނެ ކަމަށް މިނިސްޓްރީން ވަނީ ބުނެފަ އެވެ.

ޓްރާންސްޕޯޓް މިނިސްޓްރީގެ އޮފިޝަލް މިއަދު ބުނީ ލައިސަންސް ނެގުމުގެ ކަންކަން ހަރުދަނާކުރުމަށާއި ރައްޔިތުންނަށް ވީހާވެސް ފަސޭހައިން އެކަން ކުރެވޭނެ ގޮތްތަކެއް ހަމަޖެއްސުމަށްޓަކައި އިތުރު 10 ރަށަކުން ލައިސަންސް ނެނގޭނެ އިންތިޒާމު މިހާރު ހަމަޖައްސާފައިވާ ކަމަށެވެ.

ލައިސަންސް ނެނގޭނެ އިންތިޒާމު ހަމަޖެއްސި 10 ރަށް

ހއ. އިހަވަންދޫ
ހއ. މޮޅަދޫ
ހއ. ކެލާ
ރ. ހުޅުދުއްފާރު
ބ. ކެންދޫ
ފ. ދަރަނބޫދޫ
މ. ދިއްގަރު
ގދ. ގައްދޫ
ވ. އަތޮޅު ކައުންސިލް

އަލަށް ހުއްދަ ދިން ރަށްތަކާ އެކު ލައިސަންސް ނެނގޭނެ ރަށްތަކުގެ އަދަދު މިހާރު ވަނީ 39 އަށް އިތުރުވެފަ އެވެ.

"މި މަސައްކަތުގެ މަގުސަދަކީ ލައިސަންސް ދޫކުރުމުގައި ގެންގުޅޭ މިންގަނޑުތައް ހިފެހެއްޓުމާއި، ހިދުމަތުގެ ފެންވަރު ރަނގަޅު ކުރުމެވެ،" މިނިސްޓްރީން ބުންޏެވެ.

ރާއްޖޭގައި ވެހިކަލްތައް އިތުރުވުމާއި ޓްރެފިކްގެ މައްސަލަތައް ހައްލު ކުރުމަށް ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ.