8 އަހަރުގެ ފިރިހެން ކުއްޖަކަށް ޖިންސީ ގޯނާކުރި ބިދޭސީއަކު ހައްޔަރުކޮށްފި

އަލީ ރާޒީ

24 އޮކްޓޫބަރ 2024 - 11:20

0 comments

ދެކުނުގެ ރަށެއްގައި އުމުރުން އަށް އަހަރުގެ ފިރިހެން ކުއްޖަކަށް ޖިންސީ ގޯނާކުރި ކަމުގެ ތުހުމަތުގައި ބިދޭސީއަކު ހައްޔަރުކޮށްފި އެވެ.

ފުލުހުން ބުނީ ސައުތު ޕޮލިހުގައި ހިމެނޭ ރަށެއްގައި 8 އަހަރުގެ ފިރިހެން ކުއްޖަކަށް ޖިންސީ ގޯނާކުރި މައްސަލައެއް މިމަހުގެ 22 ގައި ހުށަހަޅާފައިވާ ކަމަށެވެ.

ފުލުހުން ބުނި ގޮތުގައި އެ މައްސަލައާ ގުޅިގެން 26 އަހަރުގެ ބިދޭސީ ފިރިހެނަކު ކޯޓު އަމުރެއްގެ ދަށުން ވަނީ އިއްޔެ ހައްޔަރުކޮށްފަ އެވެ.

ފުލުހުން އަންނަނީ މި މައްސަލަ ތަހުގީގުކުރަމުންނެވެ.

މިއީ ކުޑަކުދިންނާ ގުޅޭ މައްސަލައަކަށްވާތީ ކުއްޖާ ރައްކާތެރިކުރުމުގެ ގޮތުން މި މައްސަލައިގެ އިތުރު އެއްވެސް ތަފުސީލެއް ފުލުހުން ހިއްސާކޮށްފައެއް ނުވެއެވެ. ކުޑަކުދިންނާ ގުޅޭ މި ފަދަ މައުލޫމާތު ހާމައެއް ނުކުރެވެއެވެ.