ނަމާދުކުރަން ހުރި އިމާމަށް ހަމަލާދޭން އުޅެނިކޮށް ހައްޔަރުކޮށްފި

އިސްމާއިލް ރިޒާ

22 ނޮވެމްބަރ 2024 - 22:17

0 comments

ފުލުހަކަށް ހަަމަލާދޭން އުޅުނު މީހާ

ހުޅުމާލޭގައި އިމާމުވެ މަޣުރިބު ނަމާދުކުރަން ހުރި މުދިމަކަށް ހަމަލާދޭން އުޅުނު މީހަކު މިރޭ ހައްޔަރުކޮށްފި އެވެ.

ހުޅުމާލެ މަގުމަތީން ފުލުހަކަށް ހަމަލާދޭން އުޅުނީ ދިވެހި ޒުވާނެކެވެ. އެމީހާ ހަައްޔަރު ކުރި މަންޒަރު ފެންނަ ވީޑިއޯ ވަނީ އާންމު ކޮށްފަ އެވެ.

އެމީހާ ހައްޔަރު ކުރުމުން ބުނީ އޭނާ އަކީ ނަފްސާނީ ބަލި މީހެއް ކަމަށެވެ.

ފުލުހުންގެ މީޑިއާ އޮފިޝަލަކު ވިދާޅުވީ ހުޅުމާލެ 1 ގެ މިސްކިތެއްގެ އިމާމަކަށް ތޫނު އެއްޗެއް ބޭނުންކޮށްގެން ހަމަލާދޭން އުޅުނު ކަމުގެ ތުހުމަތުގައި 33 އަހަރުގެ ދިވެހި ފިރިހެނަކު ހައްޔަރުކޮށްފައިވާ ކަމަށެވެ.

"އެވަގުތު އެމީހާ ހުއްޓުވަން އުޅުނު ފުލުހަކަށް ވެސް ތޫނު އެއްޗެއް ބޭނުންކޮށްގެން ހަމަލާ ދޭން މަސައްކަތް ކޮށްފައިވޭ،" ފުލުހުން މީޑިއާއަށް ފޮނުވި މެސެޖެއްގައި ބުނެފައިވެ އެވެ.