ރާއްޖެ ވަޑައިގަތުމަށް ރަސްގެފާނު ޗާލްސްއަށް ދައުވަތު ދެއްވައިފި

އިސްމާއިލް ރިޒާ

27 އޮކްޓޫބަރ 2024 - 11:42

0 comments

ނައިބު ރައީސް ހުސެއިން މުހައްމަދު ލަތީފާއި އިނގިރޭސިވިލާތުގެ ރަސްގެފާނު ޗާލްސް

ރާއްޖެ ވަޑައިިގަތުމަށް އިނގިރޭސިިިވިލާތުގެ ރަސްގެފާނު ޗާލްސްް 3، އަށް ނައިބް ރައީސް ހުސައިން މުހައްމަދު ލަތީފް ދަައުވަތު ދެއްވައިފި އެެވެ.

ނައިބު ރައީސް އެކްސްގައި ކުރެއްވި ޕޯސްޓެއްގައިވަނީ ރަސްގެފާނާ ބައްދަލުވުމަކީ ލިބުނު ޝަރަފެއްކަމަށް ވިދާޅުވެފަ އެވެ.

ކޮމަންވެލްތުގެ އިސްވެރިންގެ ބައްދަލުވުމުގައި ބައިވެރިވެވަޑައިގަތުމަށް ސަމާއޯއަށް ކުރައްވަމުންދާ ދަތުރުފުޅުގެ ތެރެއިން ނައިބުރައީސްވަނީ ރަސްގެފާނު ޗާލްސްއާ ބައްދަލުކުރައްވާފަ އެވެ. އަދި އެ ބައްދަލުވުމުގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ ފަރާތްޕުޅުން ނައިބުރައީސްވަނީ ރަސްގެފާނަށް ފަސޭހަފުޅު ވަގުތެއްގައި ރާއްޖެއަށް ވަޑައިގަތުމަށް ދައުވަތު ދެއްވާފަ އެވެ.

ނައިބުރައީސާއި ރަސްގެފާނު ޗާލްސްއާ ބައްދަލުކުރެއްވީ ކޮމަންވެލްތު ގައުމުތަކުގެ އިސްވެރިންނަަށް ޗާލްސް ދެއްވި ފަރިއްކޮޅުގެ ތެރެއިންނެވެ.

ކޮމަންވެލްތުގެ ވެރިންގެ ބައްދަަލުވުން ކާމިޔާބުކަމާއެކު ކުރިއަށްގެންދިއުމަށް ރަސްގެފާނު ދެއްވި އެހީތެރިކަމާ ހަމަަޖައްސަވާފައިވާ އިންތިޒާމުތަކަަށް ނައިބުރައީސްވަނީ ޝުކުރު އަދާކުރެއްވި އެވެ.

އިނގިރޭސިވިލާތުގެ ރަސްކަންކުރެއްވި ބޭފުޅަކު އެންމެ ފުރަތަމަ އަދި މިހާތަނަށް ކުރެއްވި ހަމައެކަނި ދަތުރުފުޅު ރާއްޖެއަށް ކުރެއްވީ ޗާލްސްގެ މަންމާފުޅު ރާނީ އެލިޒަބަތު ދޭކެވެ. ރާނީ އެލިޒަބަތު ރާއްޖެ ވަޑައިގަތީ 1972ވަނަ އަހަރެވެ. އެއީ މީގެ 52 އަހަރު ކުރިއެވެ.

ކޮމަންވެލްތުގެ އެންމެ އިސްވެރިޔާ، އިނގިރޭސިވިލާތުގެ ރަސްގެފާނު ޗާލްސެވެ.