ވަގަށް ރާއްޖެ އެތެރެކުރި ގިނަ އަދަދެއްގެ ސިނގިރޭޓް ކާޓަންތަކެއް އަތުލައިގެންފި

ހަސަން ހަލީމް

27 އޮކްޓޫބަރ 2024 - 23:51

0 comments

ހޯކްސް ފިއުލްސް ޓާމިނަލް:

ރާއްޖޭގައި ފުޅާ ދާއިރާއެއްގައި ތެޔޮ ވިއްކުމުގެ ވިޔަފާރި ކުރާ ހޯކްސްގެ ބޯޓަކުން ރާއްޖެ އެތެރެކުރަން އުޅުނު 2،000 ކާޓޫނުގެ ސިނގިރޭޓް ކަސްޓަމްސް އިން ހިފަހައްޓައިފި އެވެ.

ހޯމް މިނިސްޓަރު އަލީ އިހުސާން ވިދާޅުވީ، ބަލައިފާސްކުރުމުގެ ކަންކަން އަދިވެސް ނުނިމޭތީ ސީދާ އަދަދެއް ސާފެއް ނޫން ކަމަށެވެ. ނަމަވެސް އެނގިފައިވާ ގޮތުގައި ސިނގިރޭޓް ކާޓަންގެ އަދަދު 2،000 އަށް އަރަ އެވެ.

އެނގިފައިވާ ގޮތުގައި، ކަސްޓަމްސް އިން ވަނީ އެ ބޯޓުން 2،000 ކާޓޫނުގެ ސިނގިރޭޓް ހިފަހައްޓާފަ އެވެ. އެ ތަކެތި ޑިކްލެއާކޮށްފައިވަނީ ޓިޝޫގެ ގޮތުގައިކަން ވެސް ވަނީ އެނގިފަ އެވެ.

އެ މައްސަލާގައި ބޯޓުގެ ބައެއް ކްރޫއިންގެ ބަޔާން ވެސް މިހާރު ނަގާފައިވާއިރު، އެ މީހުން އޭގެ ޒިންމާ އަޅުވަނީ ބޯޓުގެ ކެޕްޓަންގެ ބޮލުގައި ކަމަށް އެނގިފައި ވެ އެވެ.