އިންޑިއާ ސަފީރަކަށް އަޒީމާ އަށް ރުހުން ދީފި

އިސްމާއިލް ރިޒާ

28 އޮކްޓޫބަރ 2024 - 17:44

0 comments

އާއިޝަތު އަޒީމާ

ދިވެހިރާއްޖެއިން އިންޑިއާއަށް ކަނޑައަޅުއްވާ ސަފީރަކަށް އާއިޝަތު އަޒީމާ އައްޔަންކުރުމަށް ރައްޔިތުންގެ މަޖިލީހުން ރުހުން ދީފިއެވެ.

އަޒީމާ އެ މަގާމަށް އައްޔަން ކުރުމާމެދު މަޖިލީހަށް ފެންނަ ގޮތެއް ބެލުމަށް މިއަދު ތަޅުމުގައި ނެގި ވޯޓުގައި ބައިވެރިވި 79 މެންބަރުންގެ އިއްތިފާގުން ވަނީ އެ ނިންމުން ފާސްކޮށްފަ އެވެ.

އިންޑިއާ ސަފީރަކަށް އަޒީމާ އައްޔަން ކުރަން ނިންމެވީ މިހާރު އިންޑިއާ ސަފީރުގެ މަގާމުގައި ހުންނެވި އިބްރާހިމް ޝަހީބުގެ ބަދަލުގަ އެވެ. އޭނަ އެ މަގާމަށް އައްޔަންކޮށްފައި ވަނީ ނޮވެމްބަރު 2022 ގަ އެވެ.

އަޒީމާއަކީ ހާރިޖިއްޔާގެ އެކި މަގާމުތަކުގައި ގިނަ އަހަރުތަކެއް ޚިހިމަތް ކުރައްވާފައިވާ ބޭފުޅެކެވެ. އޭނާ ވަނީ ޗައިނާގައި ހުންނަވާ ރާއްޖޭގެ ސަފީރުކަމުގެ މަގާމުވެސް އަދާކުރައްވާފަ އެވެ. އަޒީމާ މިހާރު ހުންނެވީ ހާރިޖީ ވުޒާރާގެ އެޑިޝަނަލް ސެކްރެޓަރީގެ މަގާމުގަ އެވެ.

އިންޑިއާގައި ހުންނަވާ ސަފީރުކަމަށް ޢަޒީމާ އައްޔަން ކުރަން ފޮނުއްވީ، އެ މަގާމުގައި މިހާރު ހުންނެވި އިބްރާހިމް ޝަހީބުގެ ސަފީރުކަމުގެ ދައުރު ހަމަވުމުންނެވެ.