ބީއެމްއެލްއަށް ދިގު މުއްދަތަކަށް ހިދުމަތްކުރި މުވައްޒަފުންނަށް އެވޯޑު ދީފި

ހުމާ ނަސީމް

31 އޮކްޓޫބަރ 2024 - 12:20

0 comments

ބީއެމްއެލްގެ މުވައްޒަފުންގެ ތެރެއިން ދިގު މުއްދަތަށް ހިދުމަތް ކުރުމުގެ އެވޯޑް ލިބުނު މުވައްޒަފުން

ބީއެމްއެލްއަށް ދިގު މުއްދަތަކަށް ހިދުމަތްކޮށް ދިން މުވައްޒަފުންގެ އަގު ވަޒަންކޮށް އެ މުވައްޒަފުންނަށް ލޯންގް ސާވިސް އެވޯޑް ދީފި އެވެ.

އެ ހަފްލާގައި ބޭންކަށް 35 އަހަރުގެ ހިދުމަތް ކުރެއްވި ތިން ބޭފުޅަކަށް އެވޯޑު ދީފައިވެ އެވެ. އެއީ:

އަމްޝޫދާ ނައީމް (ސްވިފްޓު ސާވިސް މެނޭޖަރު)
އައިމިނަތު ނަސީމް (ކަސްޓަމާ ސާވިސް މެނޭޖަރު)
އާއިޝަތު ޝާދުނާ (ޗެކް ޕްރޮސެސިން މެނޭޖަރު)

ބީއެމްއެލްއަށް 30 އަހަރު ހިދުމަތް ކުރައްވައިގެން ރޭ އެވޯޑު ލިބުނު މުވައްޒަފުންނަކީ:

ފާތިމަތު ހުސެން (ކަސްޓަމާ ސާވިސް އޮފިސަރު)
ފާތިމަތު މުހައްމަދު (އޭޖެންޓު ބެންކިން)
މަރިޔަމް ހަމީދު (ޗީފް ކޮމްޕްލަޔަނަސް އޮފިސަރު)

ބޭންކުގެ ސީއީއޯ އަދި މެނޭޖިން ޑިރެކްޓަރު މުހައްމަދު ޝަރީފު ވަނީ ބޭންކަށް ދިގު މުއްދަތަކަށް ހިދުމަތްކުރި މުވައްޒަފުން މަސައްކަތަށް ދިން އަހައްމިއްޔަތާއި ވަޒީފާގައި ވަފާތެރިކަމާއެކު ދެމިތިބި ކަމަށްޓަކައި އެކަމުގެ އަގު ވަޒަންކޮށް، ޝުކުރު އަދާ ކުރައްވައިފަ އެވެ.

ބީއެމްއެލް އަކީ ރާއްޖޭގެ އެންމެ ބޮޑު އަދި ދިވެހިންނަށް އެންމެ ގިނަ ވަޒީފާގެ ފުރުސަތު ފަހިކޮށްދީފައިވާ ބޭންކެވެ. ބޭންކުގައި މިވަގުތު ވަޒީފާ އަދާކުރަމުންދާ މުވައްޒަފުންގެ 99 ޕަސެންޓަށް ވުރެ ބޮޑު އިންސައްތައެއް ހިއްސާ ކުރަނީ ދިވެހިންނެވެ.

ބޭންކުގެ މުވައްޒަފުންނަށް ވަޒީފާގެ ފުރުސަތާއި މަސައްކަތަށް ބޭނުންވާ ތަމްރީނު ދިނުމާއި އިންސާނީ ހުނަރު ތަރައްގީ ކުރުމާއި ވަޒީފާގެ ކުރިއެރުންތައް ފޯރުކޮށްދެ އެވެ. ބޭންކުގެ އެންމެ ރަނގަޅު މުވައްޒަފުންގެ އަގު ވަޒަން ކުރުމުގެ ގޮތުން ސްޓާފް އެވޯޑް އަދި ލޯންގް ސާވިސް އެވޯޑް ފަދަ ހަރަކާތްތައް ދަނީ ބާއްވަމުންނެވެ.