ބީއެމްއެލްގެ އޭޓީއެމްއެއް ހިމަންދޫއަށް

އިސްމާއިލް ރިޒާ

31 އޮކްޓޫބަރ 2024 - 18:08

0 comments

ބީއެމްއެލް އިން ހިމަންދޫ ގައި ހުޅުވި އޭޓީއެމް - ފޮޓޯ/ބީއެމްއެލް

ބޭންކު އޮފް މޯލްޑިވްސް (ބީއެމްއެލް) ގެ އޭޓީއެމް ސެންޓަރެއް އއ. ހިމަންދޫގައި ހުޅުވައިފި އެވެ.

ބީއެމްއެލް އިން ބުނީ މިއީ އެ ބޭންކުގެ ބޭންކިން ހިދުމަތް ފުޅާ ކުރުމަށް ކުރާ މަސައްކަތުގެ ދަށުން ހުޅުވި އޭޓީއެމް ސެންޓަރެއް ކަމަށެވެ.

ހިމަންދޫގައި ހުޅުވި އާ އޭޓީއެމް ސެންޓަރު މެދުވެރިކޮށް ދުވާލަކު 24 ގަޑިއިރު އަސާސީ ބޭންކިން ހިދުމަތްތައް ލިބޭނެ ކަމަށް ވެސް ބޭންކުން ބުންޏެވެ.

މީގެ ތެރޭގައި ފައިސާ ނެގުމާއި، ޖަމާކުރުމާއި އަދި ފައިސާ ޓްރާންސްފާ ކުރުން ހިމެނޭ

މިއަދު ހިމަންދޫގައި ހުޅުވުނު އޭޓީއެމް ސެންޓަރުގެ އިތުރުން ދާދިފަހުން ފެރިދޫ އާއި ބޮޑުފޮޅުދޫގައި ހުޅުވުނު އޭޓީއެމް ސެންޓަރުތަކާއެކު އއ. އަތޮޅުގައި ބީއެމްއެލް އިން މިވަނީ ޖުމްލަ 7 އޭޓީއެމް ސެންޓަރު ޤާއިމްކޮށްފަ އެވެ.

މުޅި ރާއްޖެ ހިމެނޭ ބޭންކިންގ ވިއުގަޔަކާއެކު 20 އަތޮޅުގައި 39 ބްރާންޗް، 92 ސެލްފްސަރވިސް ބޭންކިންގ ސެންޓަރ، 148 އޭޓީއެމް، އޭޖެންޓު ބޭންކިންގ ޚިދުމަތުގެ އިތުރުން އެންމެ ޒަމާނީ އޮންލައިން ބޭންކިންގ ޚިދުމަތެއް ބީއެމްއެލުން ދަނީ ފޯރުކޮށްދެމުންނެވެ.