މުޅި ރަކީދޫގައި އިއާދަކުރަނިވި ހަކަތައަށް ބަދަލުވަނީ..!

އައިމިނަތު ޝިޔާޒާ

30 ނޮވެމްބަރ 2024 - 23:09

0 comments

ރަކީދޫ އިންޖީނުގެ އޮފީސް

ވ. ރަކީދޫގައި ކުރިއަށް އޮތް ދެ ހަފްތާ ތެރޭ 100 ޕަސެންޓު އިއާދަކުރަނިވި ހަކަތައަށް ބަދަލު ކުރުމަށް މަސައްކަތް ކުރަމުން އަންނަ ކަމަށް ސްޓެލްކޯއިން ބުނެފި އެވެ.

ވ. ރަކީދޫގައި ހައިބްރިޑް ޕީވީ-ބީއީއެސްއެސް-ޑީޖީ ސިސްޓަމް ޤާއިމުކޮށްފައިވަނީ ސްޓޭޓް އިލެކްޓްރިކް ކޮމްޕެނީ ލިމިޓެޑް، ސްޓެލްކޯއިންނެވެ. އެ ސިސްޓަމްތައް ބޭނުންކުރާ ގޮތުގެ މައުލޫމާތު ނޫސްވެރިންނަށް ހިއްސާ ކުރައްވަމުން އެ ކުންފުނީގެ ޖެނެރަލް މެނޭޖަރު އިބްރާހިމް ނިޒާމް ވިދާޅުވީ ރަކީދޫގައި ހަރުކޮށްފައިވާ ސޯލާއަށް ރަށަށް އެކަށީގެންވާ މިންވަރަށްވުރެވެސް އިތުރަށް ކަރަންޓު ފޯރުކޮށްދެވޭ ކަމަށެވެ.

އެ ނިޒާމުގެ ބެޓެރި ބޭނުންކޮށްގެން ކަރަންޓު ދެމުން ދަނިކޮށް، 25 ޕަސެންޓު ޗާޖަށް ދަށްވުމުން ސަލާމަތީ ފިޔަވަޅެއްގެ ގޮތުން ބެޓެރިން ކަރަންޓު ދިނުން އެނާޖީ މެނޭޖްމަންޓް ސިސްޓަމްގެ ދަށުން ވަގުތުން ހުއްޓާލާނެ ކަމަށާއި އެ ހާލާތުގައި އޮޓޯއިން އިންޖީނު ހިންގަން ބަދަލުކޮށްލާނެ ކަމަށް އޭނާ ވިދާޅުވިއެވެ.

ކުރިއަތް އޮތް 20 އަހަރު ތެރޭ ވެސް އެ ބެޓެރިތައް ރަނގަޅަށް ބަލެހެއްޓޭނެ ކަމަށް އަންދާޒާ ކުރެވޭނެ ކަމަށް އޭނާ ވިދާޅުވިއެވެ.

ރަކީދޫގައި މިމަހުގެ 24 ވަނަ ދުވަހު ކަރަންޓު ބޭނުންކުރި މިންވަރާއި ސޯލާއިން ކަރަންޓު އުފައްދާ ފޯރުކޮށްދިން މިންވަރާއި ބެޓެރިން ކަރަންޓު ފޯރުކޮށްދޭ މިންވަރާއި ވަގުތުގެ އިތުރުން ޖަނަރޭޓަރުން ކަރަންޓު ފޯރުކޮށްދޭ މިންވަރު ފެންނަ ޗާޓެއް ފަހުމީ ވަނީ ހިއްސާކުރައްވާފަ އެވެ.

ފަހުމީ ވަނީ ހަކަތައިގެ 33 ޕަސެންޓް އިޔާދަކުރަނިވި ހަކަތައަށް ހެދުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ކުރައްވާ މަސައްކަތަށް ޝުކުރު އަދާކުރައްވާފަ އެވެ.