މާލީ ރިފޯމުގެ މަސައްކަތަށް ކޮމިޝަނަރަކު ހޯދަން ސަރުކާރުން އިއުލާނުކޮށްފި

އަހުމަދު ނިހާން

04 ޑިސެމްބަރ 2024 - 17:41

0 comments

ދައުލަތުގެ މާލީ ނިޒާމު ހަރުދަނާ ކުރުމަށް ކުރަމަށްޓަކައިއިކޮނޮމިކް ރިފޯމް އޮފީހެއް އުފައްދި އެ އޮފީހަށް ކޮމިޝަނަރަކު ހޯދަން އިއުލާނުކޮށްފި އެވެ.

ރިފޯމު ކޮމިޝަނަރުގެ މަސައްކަތްތަކުގެ ގޮތުގައި އިގުތިސޯދީ، މާލީ އަދި އެސްއޯއީތައް ރިފޯމު ކުރުންވެސް ފިނޭންސް މިނިސްޓްރީން ވަނީ ހިމަނާފަ އެވެ.

މި މަގާމަށް ހޮވާ ފަރާތުގެ ޝަރުތުތަކުގެ ތެރޭގައި އެކައުންޓިން އަދި ފިނޭންސްގެ ދާއިރާއިން ބެޗްލާސް ޑިގްރީއެއް ނުވަތަ އެއަށްވުރެ މަތީ ސަނަދެއް އޮތުމާއި ދާއިރާއާ ގުޅޭ މަދުވެގެން 10 އަހަރުގެ ތަޖުރިބާ ހުރުމުގެ އިތުރުން ރިފޯމުގެ މަސައްކަތްފަދަ ކަމެއް ހިންގުމުގެ ގާބިލުކަން ވަނީ ހިމަނާފަ އެވެ.

ރިފޯމު ކޮމިޝަނަރުގެ މަގާމަށް ކުރިމަތިލުމުގެ ފުރުސަތު ހުޅުވާލާފައިވަނީ ޑިސެމްބަރު 8، ގެ މެންދުރު 2:00 އާ ހަމައަށެވެ. މި މަގާމަށް އަންނަ ފަރާތަކަށް މުސާރައާއި އިނާޔަތުގެ ގޮތުގައި ދޭ ފައިސާގެ އަދަދެއް އިއުލާނުގައި ހިމަނާފައެއް ނެތެވެ.