ސްޓެލްކޯ އިން އަންހެން އިލެކްޓްރިޝަނުން ތަމްރީނު ކުރަނީ

އަލީ ރާޒީ

24 އޮކްޓޫބަރ 2024 - 11:40

0 comments

ކަނބަލުންނަށް ހާއްސަ އިލެކްޓްރީޝަން ކޯހެއް ހިންގުމަށް ނިންމާފައިވާ ކަމަށް ސްޓެލްކޯއިން ވިދާޅުވެއްޖެ އެވެ.

އުމުރުން 16 އަހަރުން މަތީގެ އަންހެނުންނަށް ހާއްސަކޮށްގެން މާލޭގައި ހިލޭ ކުރިއަށް ގެންދަން ނިންމާފައިވާ މި ތަމްރީނު ޕްރޮގްރާމްގައި ބައިވެރިވާން ބޭނުންވާ އަންހެނުންނަށް އެޕްލައި ކުރުމުގެ ފުރުސަތު އަންނަ މަހުގެ 4 އާ ހަމައަށް ވަނީ ހުޅުވާލައިފަ އެވެ.

ސްޓެލްކޯ އިން ބުނީ މިއީ އިލެކްޓްރިކަލް ދާއިރާއަށް އަންހެނުން ޝައުގުވެރިކުރުވައި، އެ ދާއިރާގައި ފިރިހެނުންނާއި އެއް ހަމައެއްގައި މަސައްކަތް ކުރުމުގެ ފުރުސަތު ފަހިކޮށް ދިނުމަށްޓަކައި ކުރިއަށް ގެންދަން ނިންމި "ބިގިނާސް އިލެކްޓްރީޝަން ކޯސް ފޯ ވިމެން" ކަމަށެވެ.

މީގައި ކަރަންޓާ ގުޅޭ އަސާސީ ކަންކަން ކިޔަވައި ދޭނެ އެވެ.

އެ ކޯސް ކުރިއަށް ގެންދިއުމަށް ހަމަޖެހިފައިވަނީ މާލޭގައި ކަމަށާއި ކޯސް ކުރިއަށްދާނީ ހަތަރު ދުުވަހުގެ މުއްދަތަށް ކަމަށް ސްޓެލްކޯއިން ވިދާޅުވިއެވެ. ކޮންމެ ދުވަހަކު ތިން ގަޑިއިރަށް ސެޝަން ކުރިއަށްދާނެ ކަމަށް ސްޓެލްކޯއިން ވިދާޅުވިއެވެ.

ސްޓެލްކޯއިން ވިދާޅުވީ އެ ކޯހުގައި ބައިވެރުވުމަށް ރަޖިސްޓްރީވުމުގެ ސުންގަޑިއަކީ ނޮވެމްބަރުގެ މަހުގެ ހަތަރު ވަނަ ދުވަހުގެ 15:00 އަށް ކަމަށެވެ.