އަސްކަރީ ގުޅުުމާ ގޮތުން ޕާކިސްތާނާ މަޝްވަރާކޮށްފި

އަލީ ރާޒީ

21 ނޮވެމްބަރ 2024 - 14:06

0 comments

ޕާކިސްތާނުގެ ޗީފް އޮފް އާމީ ސްޓާފް ސައީދު އާސިިމް މުނީރު އާއި ރާއްޖޭގެ ޑިފެންސް މިނިސްޓަރު މުހައްމަދު ޣައްސާން މައުމޫން ބައްދަލުކުރައްވާ މަޝްވަރާކުރައްވައިފި އެވެ.

މިބައްދަލުވުން ކުރިއަށް ގެންދިޔައީ ޕާކިސްތާންގެ ކަރާޗީގައި ކުރިއަށް ގެންދާ އިންޓަނޭޝަނަލް ޑިފެންސް އެގްޒިބިޝަން އެންޑް ސެމިނާސް (އައިޑިއާސް 2024)ގެ ހަވާސާ ގައެވެ.

މިކަމާ ގުޅޭ ގޕތުން ޑިފެންސް މިނިސްޓްރީން ސޯޝަލް މީޑިއާ ޕޯސްޓެއްގައި ބުނީ މަޝްވަރާ ބައްދަލުވުން ކުރިއަށް ދިޔައީ އިންޓަނޭޝަނަލް ޑިފެންސް އެގްޒިބިޝަން އެންޑް ސެމިނާސް (އައިޑިއާސް 2024) ގެ ހަވާސާގައި ކަމަށެވެ. އެކަމަކު މިކަމާ ގުޅޭ އިތުރު ތަފުސީލެއް ދީފައެެއް ނުވެ އެވެ.

އައިޑިއާސްގައި މިއަހަރު 55 ގައުމަކުން ބައިވެރިވެ އެވެ. މީގެތެރޭގައި އެމެރިކާ، ޗައިނާ އަދި ރަޝިއާ ވެސް ހިމެނެ އެވެ.

އައިޑިއާސް އަކީ ޕާކިސްތާންގެ ކުރީގެ ރައީސް ޖެނަރަލް ޕަރްވޭޒް މުޝައްރަފުގެ ވެރިކަމުން ފެށިގެން ބާއްވަމުންދާ ސެމިނާ އެކެވެ.