ކެބިނެޓަށް އެއްވެސް ބަދަލެއް ގެންނަން ނިންމާފައެއް ނުވޭ

އަލީ ރާޒީ

02 ޑިސެމްބަރ 2024 - 09:19

0 comments

ވަޒީރުންގެ މަޖިލީހަށް ބަދަލުތަކެއް ގެންނަން އުޅޭ ކަމަށް ދެކެވޭ ވާހަކަތައް ސަރުކާރުން ދޮގުކޮށްފި އެވެ.

ހީނާ މިހެން ވިދާޅުވެފައިމިވަނީ ކެބިނެޓަށް ބައެއް ބަދަލުތައް ގެންނަން ނިންމާފައިވާ ކަމަށް ބުނެ ސޯޝަލް މީޑިއާގައި އަޑުތަކެއް ފެތުރިފައިވާ ދަނޑިވަޅެއްގަ އެވެ.

ވަޒީރުންގެ މަޖިލީހާ ގުޅޭގޮތުން ދެކެވޭ ވާހަކަތަކާ ގުޅިގެން ރައީސް އޮފީހުގެ އިސް ތަރުޖަމާން ހީނާ ވަލީދު ވިދާޅުވީ "ކެބިނެޓަށް އެއްވެސް ބަދަލެއް ގެންނަވަން ރައީސް ނިންމަވާފައި ނުވާ" ކަމަށެވެ.

ރައީސް ޑރ. މުހައްމަދު މުއިއްޒުގެ ސަރުކާރުގައި 22 ވަޒީރުން ތިއްބަވަ އެވެ. ޑރ. ރަމީލާގެ އިތުރުން ފިނޭންސް މިނިސްޓަރުގެ މަގާމުގައި ހުންނެވި ޑރ. މުހައްމަދު ޝަފީގު ވަނީ ސަރުކާރަށް އެއް އަހަރުވުމުގެ ކުރިން މިދިޔަ އޮކްޓޫބަރު މަހު މަގާމުން އިސްތިއުފާ ދެއްވާފަ އެވެ.